La Usc di Ladins

Per l di nternaziunel contra la viulënza sun l’ëiles, ova tl 2023 la paures de Braies abù na idea geniela: les à depënt ju na berca a cuecen y l’à purteda ai 25 de nuvëmber tl lech de Braies. La imaja de chësta berca à fat la raida dl web y de duc i media. Da iló ie nasciuda l’idea, da pert dla lia “Erlebnis Pragser Wildsee” y dla lia di artisć dl Sudtirol SKB, de mëter a jì n cuncors artistich per opres ispiredes a chësta berca y ala tematica dla viulënza contra l’ëiles. L cuncors ie unì metù a jì tl 2024 n cunlaurazion cun la Cumiscion per la valivanza dla canches dl’ëila.

Indra Moroder, na artista de Urtijëi che sta a Londra, ova ntlëuta venciù l cuncors. Ma n à ulù ti dé valor a duta l’opres di 18 artisć y artistes che à fat pea. Nscila iel unit a s’l dé la mostra “The red boat”, na mostra che n à bele metù ora te de plu luesc dl Sudtirol y che ie śën da udëi a Urtijëi tla Cësa di Cungresc basite.

Elisabeth Kostner

L articul tla edizion atuela de La Usc di Ladins.