La Usc di Ladins

N comun che s’impegnëia por deplü sconanza dl ambiënt tres scomenciadies mirades y mosöres plü sostignibles é chël de Badia. L’ombolt Christian Pedevilla á podü pié do cun n valgügn rapresentanc de consëi y dla junta ai 4 de merz tl Noi­-Techpark a Balsan la zertificaziun d’arjënt sciöche »Co­mun­-Clima« – n’onoranza che le Comun pëia do bele da n valgügn agn. 

»Ince sce la zertificaziun vëgn surandada vigni ann, mëss i partezi­panc mostré che ai á fat n salt de cualité dal ann da denant y chësc nes é garaté«, cunta le surastant dl grup de laur »Energy Team« y assessur comunal Elvis Burchia. 
Danü é le Comun gnü alzé fora por sües scomenciadies sön temati­ches de sostignibilité cun le travert da arjunje na maiú efiziënza tl’anu­zamënt de ressurses y da chirí alternatives por promöie na mobilité plü vërda. A surandé les zertificaziuns ai rapresentanc di sis comuns dla Provinzia de Balsan, él sté le assessur provinzial Peter Brunner, che á recordé le rode signi­ficatif di singui comuns por na planificaziun locala plü sostignibla.


Deplü da lí sön les mosöres tutes dal Comun de Badia, ciafëise da lí tla ediziun nöia da incö, vëndres ai 13 de merz!