La Usc di Ladins

I urganisadëures dl turnoi te Sëlva, l Tennis Club Gherdëina, uel ti pité ala atletes da tlo la puscibltà de se museré cun la miëures dl mond. Nscila ti àn dat a Laura Mair de Sëlva na wild card per la tofla prinzipela. Nce la surans Lisa y Julia Peer dl Südtirol, che se alenea cun l trainadëur de Gherdëina Stefano Bassetto, à giapà na wild card per la cualificazions. Purtruep ie tramedoves bele tumedes ora. Nce la miëura atleta dl Südtirol Verena Meliss, che ne n`à nia messù jughé l prim turnus dla cualificazions, ne n’ie nia ruveda inant: n lunesc àla perdù l juech contra Enola Chiesa per 6:7(3), 3:6. 

Laura Mair à jugà n merdi de chëst’ena contra la atleta dla svizra Celina Naef (WTA 264). L sustëni de si fans y familia ne n’à purtruep nia bastá y la jëuna de Sëlva à perdù per 5:7, 1:6. 

EK