La Usc di Ladins

Nia dalunc dales pistes dai schi, él a Al Plan le chît dla pista de paslunch, che se sleria da paisc demez ite por la Val dai Tamersc por za. 12 km cina ite a Pederü. Sön chësta pista él en vëndres ai 13 de forá gnü metü a jí na picia gara, olache i gragn se mosorâ sön döta la lunghëza, tratan che i mëndri podô pié ite dai Tamersc demez. Jí ne nen jôra nia ma de competiziun, mo ince de compagnia y aurela cörta. Pro i gragn él gnü batü intrami i records. Pro i ëi á davagné Giovanni Gnesotto cun 43:03 menüc, pro les ëres á Marta Willeit batü de 14 secunc le record feminil y á taié le travert cun 53:36. L’organisaziun é stada tles mans dla alenadëssa de biatlon Cristina Salton, cun le sostëgn dl Sciclub d’Al Plan y dla Cooperativa Turistica. La premiaziun é gnüda tignida do la gara, tla ostaria da Pederü.

Düc i resultac dla gara podëise ciafé t’La Usc di Ladins di 20 de forá