La Usc di Ladins

Dotours
Dutor Gherdëina
L dutor de servisc da n sada ai 14.02. dala 08:00 daduman nchin la 08:00 daduman de n lunesc ai 16.02. ie l dutor Simon Kostner de Sëlva, tel. 347 2297492.
Doturs Val Badia
Tla fin dl’edema di 14 y 15 de forá él en sorvisc ti comuns de Mareo y San Martin la doturia Stefania Febbraro, Al Plan, tel. 377 3288595. Ti comuns de Corvara, Badia y La Val él en sorvisc le dotur Guido Caretta, Badia, tel. 0471 839706 o 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 13.02. nchin n vënderdi ai 20.02. ie chëla de S. Cristina, tel. 0471 792 106 o 333/1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 13 de forá dales 19:00 al vën­dres ai 20 de forá ales 19:00, é chëra da San Martin/Picolin, tel. 0474 523020.

Iadi y Jites
19.02.
Jita sa la Getrumalm tla Val de Sarentin
La Grupa »Nëus jon pa bel plan« mët a ji chësta jita – l sarà da jì feter 4,5 ëura, cun n deslivel de 500 metri suvier y juvier. L vën cunsià de tò pea grifs y fusć. I orars per pië via: Sëlva dala 7:45 (hotel Oswald), S. Cristina dala 7:50 (Bar 2000) y Urtijëi dala 8:00 (plaza Sant Antone). Per se nuté su: dai 10.02. nchin ai 17.02. tres whatsapp o sms al: 328 914 6844 (Arthur).

Avisc
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmënter
L Cor y l Urchestra de dlieja chier ciantarins y sunadëures
Chi che à nteres a unì a purvé possa unì de merdi tl local dla proes te calonia de Urtijëi aut ite o se lascé audì da n cumëmber.
Atualmënter
Portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauen bruneck.it

Mostres y Ert
Atualmenter
Mostra sul schi de Manuel Riz
Te Museo Ladin de Fascia se pel veder na esposizion de ojec e de taoles del arist Ma­nuel Riz e se pel ence comprèr la neva graphic novel dal titol »Il pendio bianco. Storia sociale dello sci«.
Atualmënter
Deventé crëscer amé
Tla Cësa de Chemun de Laion iel da udëi na mostra de Guido Senoner Tinderla, che resterà da udëi nchin ai 15 de mei, dal lunesc al vënderdi dala 8:00–12:00 y la juebies nce dala 16:00 nchin la 18:30.
Atualmënter
»Dal lën al juech – Sevi ora per l mond«
L Museum Gherdëina nvieia a unì a ti cialé ala mostra nueva tl Museum, per scuvier­jer la storia faszinënta dla Sevi, firma che à fat juesc de lën dal 1831 nchin al 1998 y che ie stata de gran mpur­tanza per la vita de truepa families de Gherdëina. Orar: dal lunesc al vënderdi dala 10:00 nchin la 16:00.
Atualmënter
Mumënc... tla Dolomites
La mostra cun lëures de Ga­briel Demetz tl Café Surëdl resterà da udëi nchin ai 30 de merz ntan i orars de giau­rida dl Café Surëdl.
Atualmënter
Mostra »All’inizio tutto era mare«
Tl salf dles manifestaziuns da Corvara él da odëi cina ai 22 de forá la mostra »All’inizio tutto era mare« de Matteo Agreiter. Orars: ia por l’edema dales 8:00 ales 12:00 y dales 16:00 ales 18:00, la domënia y i dis de festa dales 10:00 ales 12:00 y dales 16:00 ales 18:00.
Uni vënderdi de fauré
Vijita meneda tres la mostra nueva tl Museum Gherdëina
La curadëssa Jamila Moroder menerà tres la mostra nueva »Pec de n mond« – figures de Gherdëina danter na imaja de sé y na ududa sun l mond: uni vënderdi ntan l mëns de fauré, dala 16:00 nchin la 17:00.

Temp Lede
Atualmenter
Carnascèr sui festii
Fin ai 22 de firé se pel jir a veder la ciasetes fornides su da Carnascèr endrezèdes da privac, sociazions, istituzions e gropes sui festii fora per l paisc de Vich e sia frazions, col coordenament del Comitat Manifestazions.
13.02.
Ti ciaré ales stëres
Incö vëndres ai 13 de forá pón jí a ti ciaré ales stëres y ai planëc, adöm a Enrico, espert dles morvëies dl cil. L’apuntamënt vëgn tigní a Sciaré a San Ciascian, dales 20:30. An pó se scrí ite ti ofizi turistics dl’Alta Badia.
15.02.
Klezmer & Jodel
En domenia ai 15 de firé te teater de Tieser da les 20:45 l é l conzert »Klezmer & Jodel« con lka Ziganoff jazzmer band & Heidi Clementi en ocajion di Jeghes Olimpics.
15.02.
Carnascèr de Ciampedel
En domenia ai 15 de firé a Ciampedel vegn endrezà la defilèda de Carnascèr dal titol ‘Olimpiades di Beches’. Da les 14:30 te piaz de Ciampedel musega, da magnèr, da beiver e devertiment per duc.
16.02.
Conzert de l’Orchestra del Conservatorie
En lunesc ai 16 de firé da les 20:45 te teater de Tieser l é l conzert de l’Orchestra Acade­mica del Conservatorie F.A. Bonporti de Trent e Riva en ocajion di Jeghes Olimpics.
16.02.
Sègra de Sènt’Ugèna
En lunesc ai 16 de firé l é la sègra de Sènt’Ugèna. Se ponta demez da les 10:00 da la capela de Vich e se va sun Ciaslir en procescion, da les 10:30 messa grana e do messa grostoi e dotrei sonèdes de la Musega da Vich.
16.02.
Desmustrazion sun i schi
La Scola de schi y snowboard 2000 nvieia a na prejentazion sun i schi ai 16 de fauré dala 21:30 inant sun l purtoi Frëi­na/ Ciampinëi te Sëlva.
16.02.
L vën depënt l mus a mutons y mutans
N lunesc de Carnescià ai 16 de fauré dala 14:00 nchin la 16:00 tla biblioteca Tresl Gru­ber a S. Cristina.
16.02.
Calfosch: i te scinchi na storia
Mitans y mituns da 3 agn insö é inviá en lönesc ai 16 de forá dales 15:00 te biblio­teca a Calfosch, olache al vëgn cunté stories.
16.02.
Yoga y paslunch
Pro le zënter de paslunch Alta Badia a Sciaré da San Ciascian vëgnel tigní vigni lönesc dales 10:30 n curs de yoga y pas­lunch. Por tó pert mësson se scrí ite sot a www.scuola fondo.it
17.02.
Carnescé a Corvara
Le mertesc ai 17 de forá dales 14:30 pó düc tó pert ala defil­ada da carnescé jödapé dla pista »Col Alt« a Corvara. Al gnará premié les plü beles ma­scheres y le »Pirates Free­style Team« mostrará n pice spetacul acrobatich.
17.02.
Carlascé a Al Plan
En mertesc ai 17 de forá vëgnel indô tigní la gran defilada da Carlascé a Al Plan. Ara pëia ia dales 14:00 dan la Coopera­tiva Turistica, por rové cina sön plaza de paiun, olache an ciafa val’ de cialt da bëre. Por­sones o grups che ó fá para pó se scrí ite söl post. Al vëgn premié les plü beles mascheres.
17.02.
Nöt dla liösa a San Ciascian
En mertesc ai ai 17 de forá é düc inviá ala »Nöt dla liösa« a San Ciascian – ediziun en ma­schera. Le tru dla liösa »Foram« vëgn ilominé dales 19:30 ales 22:30 y l’implant de »Piz Sorega« sará davert por l’ocajiun. Al sará ince da odëi la olp fora por le tru, cun chëra che an pó fá na foto­grafia.
17.02.
Conzert di Cores da mont
En mèrtesc ai 17 de firé da les 20:45 te teater de Tieser l é n conzert di Cores da mont Genzianella, Rio Bianco, Ne­gritella e Enrosadira en ocajion di Jeghes Olimpics.
17.02.
Tal e cal… a Carnascial
En mèrtesc ai 17 de firé da les 14:00 te piaz de Sotegrava a Moena vegn endrezà la festa de Carnascial »Tal e cal… a Carnascial« con la premiazion de la trei mèscres più beles de ogne categoria: grop, singoi o familia: iscrizions al 353 3575534. Te piaz fortaes, da beiver, dj set e l cianton di picoi.
17.02.
Festa de Carnascial a Vich
En mèrtesc ai 17 de firé da les 14:30 a Vich gran defilèda de Carnascèr con cères, mè­scres, musega e devertiment per duc.
17.02.
Mascherèdes ta Penìa
L Grop de la Mèscres de Dèlba e Penìa porta dant amò una mascherèda da les 20:30 te la veia scoles de Penìa. En mèrtesc gras ai 17 de firé »L idraulico del telefon« de Fabio de la Menina.
17.02.
Carnescià sun i schi
Duc ie de cuer nviei a unì ma­scherei per jì cun i schi sun i purtoies da Palmer y Fur­denan, n merdi ai 17 de fauré dala 14:00 inant. Da Palmer giaperàn nce de bona papes y la plu bela mascra unirà premieda. 
17.02.
Skishow da Carnescià
La Scola de schi y snowboard de Urtijëi nvieia a na prejenta­zion sun i schi ai 17 de fauré dala 21:15 inant sun l purtoi da Palmer.
17.02.
Depënjer l mus
Mutons y mutans possa se lascé depënjer l mus n merdi de Carnescià, ai 17 de fauré, dala 09:30 inant tla biblioteca de S. Durich a Urtijëi.
17.02.
Olimpiada da Carnescià per mutons:ans
N Merdi de Carnescià, ai 17.02. dala 10:00 inant nchin la 12:00, mët l VKE a jì, deberieda ala Lia per l Turism de Sëlva, n domesdì de juesc per mutons y mutans, sun Pra da Nives te Sëlva.
18.02.
Cun e-bike y rodes da agüs söla nëi
La Scora de schi da Calfosch mët a jí vigni mercui na escur­jiun de »Snowbiking«, cun la e-bike y rodes da agüs söla nëi. An pëia ia dales 10:30 da Calfosch y an fej na roda cina al’Armentarola a San Ciascian. Prenotaziuns pro la Scora de schi da Calfosch, anter le de denant.
18.02.
Cui schi da sëra
Tl’Alta Badia pón jí vigni mer­cui cui schi ince da sëra, dales 20:00 ales 22:00 sön la pista »Doninz« a La Ila. Por podëi anuzé l’implant adoron na cherta dai schi che vel plü dis.
19.02.
La Val: soghé a morin
En jöbia ai 19 de forá dales 14:00 é mitans y mituns dal terzo ann de scolina insö inviá te biblioteca da La Val, olache an impara a conësce y a soghé al jüch morin. Prenotaziuns ala mail laval@biblioteches.it o diretamënter te biblioteca.
19.02.
Bun de Gran Risa
Cina ai 5 de merz él vigni jöbia l’iniziativa »Bun de Gran Risa«, olache l’implant de Piz La Ila vëgn bele daurí dales 6:55. I partezipanc pó, adöm ai maestri de schi, porvé fora bele adora n percurs sciöche na gara de Copa dl monn. Prenotaziuns ti ofizi turistics dl’Alta Badia.
19.02.
Cun

• 
•  

View the embedded image gallery online at:
https://www.lausc.it/manifestazions-y-evenc/31238-manifestazions-atuales#sigProId82181ca554

la gücia da sëra
En jöbia ai 5 de forá pón se fá na roda sön les güces trates dai ciavai, do le Tru di Artisć da La Ila a San Ciascian. An s’incunta dales 20:45 a Altin. Iscriziuns ti ofizi turistics dl’Alta Badia.
19.02.
Nos Ladins cun Daniel
Tres l’iniziativa »Nos Ladins« pón descurí la vita y val’mistier dla jënt dla valada. En jöbia ai 19 de forá s’incunton cun Daniel a La Val, por imparé a conësce le monn di artejans. Infos y prenotaziuns ti ofizi turistics dl’Alta Badia.
21.02.
Dolomites Val Gardena Skijöring
La Lia di Ciavei de Gherdëina nvieia al Dolomites Val Gar­dena Skijöring ai 21.02. dala 18:00 inant pra la stazion japé dl Secëda.
Uni juebia
Ciaculon deberieda – per ladin
La Union di Ladins de Gher­dëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla bi­blioteca »Anda Malia da Cudan« tla Cësa di Ladins a Urtijëi. Unide nce Vo!
Uni lunesc
Cërtl de letura
Tla biblioteca de San Durich a Urtijëi se ancónten uni lunesc dala 18:00 per n cërtl de letura cun Nicoletta. N liej deberieda l liber »Quello che possiamo sapere« de lan MacEvan. Duc possa unì a fé pea.

Teater
27.02.
A teater a Tieser
Ai 27 de firé da les 20:45 te te­ater de Pardac, per la rasse­gna de teater de Fiem, l é la compagnia Multiverso­teatro, en colaborazion con CSC e PACTA, che porta dant l toch »Dalser, La Mussolina«.

Chino
Atualmenter
Al chino de Cianacei
Doman, sabeda 14 de firé da les 21:00 vegn moscià l film per Sèn Valantin »Cime tem­pestose«, lunesc 16 da les 21:00 l é »Agata Christian«, vender 20 da les 21:00 l é »Streif« n film per la Olimpiades, sabeda 21 da les 21:00 l é »Cime tempestose«.
Atualmenter
Al chino de Pardac
Insnet, vender 13 de firé l é »Return to Silent Hill«, sabeda 14 da les 21:00 e domenia 15 da les 17:00 l é »Goat«, do­menia da les 21:00 l é »Ana­conda«, lunesc 16 da les 21:00 l é »Agata Christian«, mercol 18 da les 21:00 l é »Buen camino«, vender 20 da les 21:00 l é »Song, Sung, Blue« per ingleis.
Atualmenter
Al chino de Tieser
Insnet, vender 13 de firé da les 21:00 l é »Cime tempestose« che vegn moscià ence sabeda 14 da les 21:00, sabeda da les 17:30 l é »Goat, sogna in gran­de«, mercol 18 da les 17:00 l é »Spongebob, un’avven­tura da pirati« a 5 euro, jebia 19 da les 17:30 l é »Anaconda« e da les 21:00 »Sorry, Baby«, vender 20 da les 17:30 l é »Goat« e da les 21:00 »Agata Christian«.

Cursc
19.02.
Curs per purvé a slusé
Sun Resciesa vëniel metù a jì n curs per mparé a cunëscer l sport de jì cun la luesa, ai 19 de fauré dala 10:00 nchin la 12:00. L curs ie debant. L casco ie de ublianza.
12.03.
Curs da inrissé üs
En jöbia ai 12 de merz dales 19:00 ales 20:30 él tl Ciastel de Tor a San Martin n curs da inrissé üs cun Rosmarie Verginer. Le cost é de 10,00€ a ce, i posć é limitá. Prenota­ziuns al 339 3115679.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
17.02.
Pizes dla Ladinia
Dales 20:50 Test y regia Man­fred Stuffer, produziun Kar­bonvideo, a cura de Ales­sandro Dapunt.
18.02.
Bedaies ladines pro la Olimpiades (2)
Dales 21:00 ca. N program de Leo Senoner, produziun RAI-BZ.
19.02.
Eie e Speie – su la schena di atlec
Dales 21:00 ca. Test y regia Cinzia Pistoia, produziun Pennpro, a cura de Alessandro Dapunt.

Sozial
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orientament e mediazion familiara per la relazions te c‑sa. L avert a duc e debant a S‑n Jan te Stra­­­­da di Pr de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Atualmënter
Lia de sustëni tl duel y crisa
La Lia de sustëni tl duel y crisa ti juda ala persona nstëssa y la families te situa­zions de duel. L vën damandà na cuota anuela de 50 euro. Per nfur­ma­zions de sustëni pòssen tò su cuntat cun: Trauer- & Krisen-netzwerk Südtirol VFG–info@trauer netzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars de giaurida: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). Per se nuté su: per Urtijëi l 3207234396, per S. Cristina l 333 1499949, per Sëlva l 335 6558633.
Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ ëura al’ena a fé vel’ stroz o judé ulache l ie debujën. L servisc ie debant y duc possa s’l damandé. Per nfurmazions: gherdeina@family-support.it
18.02.
Scontrèdes de auto mutuo aiut
La sociazion Rencureme de Fascia e Fiem endreza scon­trèdes de auto mutuo aiut per chi che à te cèsa parenc con problemes de memoria e decadiment cognitif. Seconda scontrèda en mercol ai 18 de firé da les 20:00 te Ciasa de Noscia Jent a Poza.