La Usc di Ladins

Lucia Dalmasso, clas ’97 da Falciade ai 8 de firé l'à venciù la medaa de bron co la brea hard tel slalom lèrch paralel. Dedant da ela, sul senester portoi del Mottolino a Livigno l é ruà la ceca Zuzana Maderova e l’austriaca Sabine Payer; quarta l’autra atleta veneta Elisa Caffont, passèda via da la Dalmasso al ultim su la linia del travert te na endesfida duta talièna per l podie. 
N resultat storich, che consacra Lucia desche atleta de valor internazionèl, apede a ge dèr luster a dut l moviment nazionèl de la brea e ence nesc teritories, olache Lucia la é cresciuda ence dal pont de veduda sportif. Si genitores, Pietro Dalmasso e Elena Valt, i é duc doi arcedadores de schi e i à lurà per più egn col Ski Team Fascia, te Fascia i à amisc e n muion de arlieves e i ne à contà del percors agonistich de Lucia e de sia storia da atleta.

Podede lejer dut su La Usc dai 13 de firé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Thomas Zulian)