La Usc di Ladins

Ala fin dla finedes ne n’àl nia bastà per na bedaia, ma la naziunela taliana de para ice hockey ie stata bona de cunfermé si bon plazamënt di ultims Juesc paralimpics. Te si ultima partida, n sada dl’ena passeda, ie i atlec talians stac boni de bater i Paejes Tudësc per 5 a 2, arjunjan nscila l cuinto post. Venciù l turnoi à i Stac Unic contra l Canada per 6 a 2. La bedaia de bront ti ie jita ala Cina che à batù per 3 a 2 la Republica Ceca tla pitla finela.

L verdiaporta dla naziunela taliana de para ice hockey Julian Kasslatter de S. Cristina ie cuntënt de coche la ie jita. “Deplù ne pudans nia fé”, àl dit: “L ie stat na beliscima esperienza, dantaldut a udëi tan de tifosi tl stadio”.

EK

L articul sarà da liejer tla edizion nueva de La Usc de n vënderdi ai 20 de merz.