La Usc di Ladins

Te IHL se à tacà sobito a fèr dassen te la pruma partida de la sajon 2026/27 che à vedù i suzesc de la formazions favorides sul papier, do n istà n muie enteressant a livel de marcià. Ciudar, Eppan, Fascia, Aosta e Alie se tol i prumes ponc del campionat, lascian a bocia suta la aversaries te partides ence belebon tirèdes, ma olache a la fin l é ruà ventes netes.
L Fascia te la Valsugana l se la fèsc fora su la giacia semper senestra de Perjen olache l é bon de rebaltèr l resultat do esser stat sot 2 a 0 fin a mez del enconter, metan a frut i schemes per ruèr a jièr semper miec.
L é stat na prestazion de squadra dalbon concreta. I bec de Ambrosi à sapù gestir i momenc senestres, soraldut sul 0 a 2, con pazienza e zenza perder l compas. En sabeda ai 26 de setember partida senestra te cèsa al Scola contra l Varese, una de la gran favorites del tornoi.


Dut l articol su La Usc stampèda de en vender ai 25 de setember del 2026  (Giorgio Pedron)