La Usc di Ladins

L Rock Master de Arco ie na garejeda nternaziunela storica de arpizeda sportiva. La ie danter chëles plu prijedes y cunesciudes dl mond. Chëst ann àla arjont si 40ejjima edizion. I atlec possa mé fé pea sun nvit, per si meric. Dai 2 ai 4 de utober se à Arco muserà te ndesfidedes particuleres atlec y atletes da passa 50 paejes dan a n publich cun de ndut plu de 12.000 spetadëures. 
Nce Filip Schenk de Santa Cristina fova danter chëi che à pudù fé pea. Te una dla disciplines plu spetaculeres, la garejeda de “Duello Lead”, à Filip arjont n vënderdi ai 2 de utober n plazamënt de marueia. Pra chësta garejeda, che ie mpue na cumbinazion danter la disciplines dl speed y dl lead, iel for doi atlec che va su per la medema via plutosc ria, un dlongia l auter. L se trata de vester asvelc. Chi che ruva suinsom per prim à venciù.

Deplù tla edizion nueva de La Usc di Ladins dl vënderdi ai 9 de utober.