La Usc di Ladins

De ‘l dapò disnà i s’à ciatà dute in piaza de i Pitore fardiei Ghedina, par dapò moe in śo, fin sote el cianpanin, co ra musica de ra banda de Anpezo che i dajea el condar. Là ‘l é stà ra premiazios, i discorse, con Luigi Dibona Moro, presidente de ra asociazion de i sié sestiere d’Anpezo, che ‘l à dito gramarzé ben a duate, a ra śente che à dià ‘na man par fei danoo chesta festa in piaza. »Benvegnude a vede ra premiazion de el Palio – ‘l à dito – ‘l é stà bel da vede anche sto an. Son śude adora a fei ra gares con trope atletes de el sci club. Gramarzé a i presidentes de i sié sestiere, che laora ogni an, che duto vade polito. Gramarzé al Comun de Anpezo, a ra sozietà Seam, a dute chi che me dia ‘na man, a ra Banda, che ra vien a sonà par nos«. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper