La Usc di Ladins

S’à scomenzà mercui pasà, ai 19 de luio, co ‘l prin mercui, par śì a vede el museo paleontolojico de ra Regoles d’Anpezo e ra mostra de depente de Dino Colli Dantogna. Ra setemana che vien, mercui ai 26 de luio, se và par i bosche de Pian de Loa, agnó che ‘l é ra cioces, aduna con el guardia Manuel Constantini Mostacia. Ai 2 de agosto se và a vede i depente de ra Via Crucis, inze ra vecia jeja de Ospedà, con Letizia Lonzi; ai 9 de agosto se parla de ra caza, a Socus, con Stefania Zangrando; ai 16 de agosto tocia a ra sozietà Cooperatia, par i so 130 ane; ai 23 de agosto rua Susy Rottonara, a parlà de ra lejendes de ra Dolomites, de i Fanes; ai 30 de agosto se conosce algo depì de i bosche d’Anpezo, de ra particeles, danoo con el guardia Manuel Mostacia; se fenisce mercui ai 6 de setenbre, su a Pocol, a scotà de ‘na familia de Anpezo, co ra storia de ‘l hotel Argentina. Duta ra otes se se ciata dares 10.30 da bonora. Par in saé depì, se pó lieśe i placate stanpade da r’Ulda.