La Usc di Ladins

Fascia paladina de n’autra gran manifestazion sportiva internazionèla. L’International Federation of Sport Climbing ge à defat assegnà a l’Asd Val de Fascia Climbing l endrez de la tapa talièna de la Copa Europa senior de spezialità Lead che sarà ai 21 e 22 de jugn. N zircuit che per l 2025 perveit doi apuntamenc demò, l secont a Ostermundigen, te la Svizra, ai 4 e 5 de messèl.
La garejèdes vegn fates al Adel Climbing Wall de Ciampedel na strutura che dal 1998 la ge à dat lèrga al Campionat European Lead e Speed del 2017, doi Campionac taliegn Boulder, 20 tapes de Copa Tèlia Lead, 5 tapes de Copa Tèlia speed, 13 edizions de Dolomiti Master e passa 40 competizions desvalives. 
Per la pruma outa donca l’Adel l’à l onor de aer la regia de na tapa de Copa Europa Lead.

Se pel lejer dut su La Usc nr 22 dai 13 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.