La Usc di Ladins

L é da contà ‘na storia bela e vecia, par chel cianpanin de bronśo, de ra jeja de San iaco, fato in pizo, che el capocomun anpezan Gianluca Lorenzi Chenopo i à donà a Sergio Mattarella, presidente de ra Repu­blica taliana, canche ‘l é ruà inze ra nostra val, śoiba ai 12 de febraro. 
Chel laoro el vien fora da ra botega de ra familia Michielli Pelele, che ‘na ota r’ea a Cianpo e che dal 2007 r’é ruada fora a Vodo de Cadore, inze ra Val de ra Boite. Ancuoi ‘l arteśan ‘l é Alessandro Michielli, che vedon duta ra setemanes al mercà, col so banco, da vende ver­dura; el ‘l é sozio de ra botega, con so pare e i fardiei: »L é ‘na bela so­­­di­­­­sfazione a saé che el nosc cian­panin, agnó che de sote ‘lé scrito che ‘l on fato nos, ‘l é ruà al Quiri­nale« – el disc Alessandro. 

De plu tla edizion stampeda de La Usc di Ladins o sun l e-paper a paiament www.lausc.it/e-paper