La Usc di Ladins

I Stödafüs d’Al Plan á tigní chësc ann süa 129ejima sentada generala dla storia. Danter i ghesć án podü saludé l’Ombolt Albert Palfrader, le presidënt di stödafüch dl Raiun Bassa Val de Puster Alois Steger y l’ispetur dl Raiun Bassa Val Badia Alex Zingerle, rapresentanc dles forzes dl ordin y de d’atres uniuns de proteziun zivila. Le grup di Stödafüs d’Al Plan cumpedâ ala fin dl 2025 avisa 50 mëmbri atifs, 30 mëmbri fora de sorvisc, 7 mëmbri d’onur, 1 comandant d’onur y 9 mëmbri sostignidus o totes. Do avëi albü i ultims agn bindebó intensifs, cun danterite ince anades da passa cënt intervënc, é le 2025 sté l’ann manco busiënt dal 2018 incá. La sentada generala é sambëgn la dërta ocajiun da tó sö mëmbri nüs, olache al n’é sté 5 che á fat le joramënt dan la bandira y le comandant: Matthias Kaneider, Amos Mutschlechner Castlunger, Hannes Ploner, Jan Ties y Jasmin Ties. Al é ince sté l’ocajiun da rengrazié, en particolar les ilustradësses Natalie Obojes y Vanessa Erlacher che á realisé n calënder dër particolar, sciöche ince Sabine Falk, che é stada 18 agn caposorvisc dla Crusc Blancia d’Al Plan y á dé jö chësta inciaria cun la fin dl ann.

Deplü sön la sentada generala podëise lí t’La Usc di Ladins di 20 de forá  (pablo)