La Usc di Ladins

Se pel dir che i ucie te majon de Luigi Craut i sie semper stac. Te si prumes recorc te ciasadafech de so pare Mario e soa mare Annamaria sa Meida l era gabie de ucie, e l à amò tel ciaf canche del 1976 l é stat l teremot tel Friul e te stua l era la lum e le gabie de ucie che jia via e cà: l era si ucie e el aea 9 egn. Ades de egn Luciano l n à 55 egn, e ucie l à seghità a n tegnir, semper de più. Soraldut chimples, ades n sarà ite 50 o 60 te le gran gabie apede soa boteiga, ma chest’aisciuda do la coada n era presciapech 200: demò chisc dis passé l n à venù zirca 40 a Modena. Per chesta soa gran pascion l spen ogne dì presciapech 3 ore, te valch temp del an ence de più, per no parlar di scioldi. Te chisc egn l l à emparà n muion de robe su co i arlevar e i selezionar, ence chi con le mutazion, e l tol part con bon ejit a le mostre. Chest an a Riva del Garda l é ruà prum al campionat european.

A ciasa i é contenc perché l é na pascion sana, i fies, soraldut l più picol, i va a veder i ucie e i ge li moscia ai amisc, e valch outa i va col pare a tor su erbe, ma somea che nesciun di 5 aesse rità chesta pascion. Noi se aon fat contar de chest mond dassen entressant.

Podede lejer duta l'intervista su La Usc stampèda de vender ai 16 de dezember.  (Lucia Gross)