La Usc di Ladins

N dumënia de Pasca de Mei, ai ot de juni, saràl n di de gran festa a Urtijëi. L vën zelebrà la Mëssa Nevela de Pater Peter Maria Insam, n aveni­mënt che, al didancuei, vën a s’l dé for manco y manco suvënz. Nfati, iel bele passà 15 ani da canche l ie unì zelebrà l ultim iede na Mëssa Nevela a Urtijëi. Chësc fova l ann 2010: l primiziant ntlëuta ne fova degun auter che l fra de Pater Peter Maria: Pater Gabriele Maria Insam.
N dumënia, ai 8 de juni, vën festejeda la Mëssa Nevela de Pater Peter Maria tla dlieja de Urtijëi, si luech de ncësa. Chësta ucajion unirà zelebreda cun na defileda che scumëncia dala 9.15 dala plaza Stazion. Dala 9.30 scu­mëncia pona la Gran Mëssa acum­panieda dal Cor de Dlieja. Do mëssa saràl n’ancunteda sun plaza de dlieja cun l primiziant, ulache sunerà nce la Mujiga da Bula. Dala cater do­mesdì saràl pona mo i Vespri cun benedescion persunela de Pater Peter Maria Insam.
Duta la Pluanies de Gherdëina se ralegrea cun ël y ti mbincia inant dut l bon per si streda y la benedescion de chël bel Die.

Dut l articul pudëis liejer tla edizion nueva, de n vënderdi ai 6 de juni.