La Usc di Ladins

En jebia ai 5 de jugn l é stat compagnà te sie ultim viac su la tera Luigi Cigolla de Fiech da Vich, mort en lunesc ai 2 de jugn, l aea 82 egn. La messa de sepoltura é stata dita te la gejia parochiala de Cristo Re jun Busan olache l se aea tramudà, l é stat sepolì te la cortina de Oltrisarch.

I é stac de n muie chi che à volù l recordèr con scric, paroles e pensieres, soraldut personalitèdes del mond de la politica e de la cultura del Südtirol, setores olache Luigi Cigolla se aea dat ju per egn alalongia fin del 2008.

Cigolla l é stat una de la oujes politiches più emportantes per la comunanza talièna del Südtirol ma te si intervenc l rejonèa semper ence per todesch e per ladin. Do aer studià lengac foresć e scienzes politiches a Bologna l rua per la pruma outa te aministrazion provinzièla del 1976 e dal 1980 l é comember atif de Democrazia Cristiana. Sia cariera politica taca ite del 1993 canche l vegn lità te Consei provinzièl del Südtirol con la DC/Partito Popolare. Del 1994, tel secondo mandat de goern provinzièl vidà dal president Luis Durnwalder, l tol su la encèria de Conseier per la scola e la cultura del grop de lengaz talian e per l’edilizia abitativa.

Se pel lejer dut su La Usc nr 21 dai 6 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (MCI)