La Usc di Ladins

Anché, jebia ai 5 de jugn l Consei de Aministrazion de l’ApT de Fascia se à binà per la nomina del president e del Comitat Esecutif.

A cef de l’Azienda per l Turism de Fascia l é stat confermà Fausto Lorenz che aea jà fat trei mandac e che donca l vidarà l’ApT amò fin del 2028.

Apede el l é stat confermà desche vize president Filippo Debertol che l corirà ence l’encèria de vicarie per i prumes 18 meisc de mandat. L’autra vizepresidenta l é Iris Brunel, raprejentanta di Fitacartieres, che tol l post de Elisa Maccagni. Tel Comitat Esecutif ge é stat renovà la fiduzia ence a Patrizio Prandi raprejentant de la sociazions di hotelieres e a Alice Dellantonio raprejentanta di impianc portamont. I neves comembres l é Stefano Fosco per i impianc portamont e Alberto Kostner ombolt de Moena raprejentant di Comuns e l’Aministrazions publiches.  

De più su La Usc stampèda de en vender ai 13 de jugn.

 (Monica Cigolla)