Dai 23 de dezember ai 13 de jené l é ruà te Fascia, travers la Fondazion »I didon a viver« e la referenta Carmen Lorenz, 6 bec e bezes da la Bielorussia. L é dal 2000 che ence te noscia val n grop de families se met a la leta per ge dèr azet a chisc bec che padesc amò aldidanché de la conseguenzes de la radiazions de Chernobyl. I ultimes 3 egn per via del Covid e de la vera te l’Ucraina i viajes de ressanament se aea fermà, ma chest Nadèl la sociazion nazionèla à endò podù portèr te la Tèlia 70 bec e bezes e belapontin 6 i é rué te cater families fascènes. I aea duc più o manco 11 o 12 egn, un demò l n aea 15.
De più su La Usc stampèda de vender ai 27 de jené. (Monica Cigolla)
Te Fascia sie bec e bezes da la Bielorussia
Cater families se à metù a la leta per la vacanza de ressanament travers la sociazion »I didon a viver«.
Galaria retrac
View the embedded image gallery online at:
https://www.lausc.it/valedes-ladines/fascia/22432-te-fascia-sie-bec-e-bezes-da-la-bielorussia#sigProId09a7a95e8c
https://www.lausc.it/valedes-ladines/fascia/22432-te-fascia-sie-bec-e-bezes-da-la-bielorussia#sigProId09a7a95e8c