La Usc di Ladins

La setemana passada su La Usc aon scrit del moviment demografich de duta la Val. Apede ai dac che ogne Comun cogn enjignar, l responsabol del Ofize anagrafich del Comun de Sèn Jan, Martin Bernard, l ne à manà ence na statistica coi numeres te le desvalive frazion, i componenc de le familie, i inomes più en doura, e auter. 

Ve meton dant chisc dac curiousc e enteressanc, che vegn taché fora ence tel ofize anagrafich vidà da Bernard.

Peon via dal numer de sentadins, che descheche aon scrit sul numer passà de nosc sfoi a la fin del 2023 te dut l Comun de Sèn Jan i era 3559, e de chisc 1798 ele e 1761 ic. L é 172 sentadins con residenza a la foresta e 216 sentadins foresć (75 demò da la Romania) che stasc tel comun.

L maor di trei paijes del comun l é Poza, con 1609 persone (824 ele, 785 ic), vegn do Vich con 1257 (635 ele e 622 ic) e en ultima Pera con 693 (339 ele e 354 ic). Da chiò la pruma conscidrazion da far l é che l é più femene che omegn, tant tel comun che ti paijes de Poza e Vich, enveze a Pera l é più ic che ele.

L é enteressant dapò veder i numeres te dute le frazion. 

Podede lejer dut su La Usc stampèda de en vender ai 2 de firé.  (Lucia Gross)