La Usc di Ladins

Jacopo Bernard, da Vich, 31 egn, da pech l à abù la bela neva de aer venciù l concors per l’assegnazion del Refuge Ciampedie, strutura storica de la SAT, fata su ti prumes egn del ’900. Ge aon domanà fora mingol de soa vita e de chel che l jirà a far ti egn che vegn, a rejer una de le più veie e cognosciude anter le 144 utie da mont de Fascia. 

Jacopo, da olà vegnela toa pascion per la mont? 
Jà canche son nasciù, de trei meisc, i me à portà te refuge de mi pare Walter, che anter l 1969 e l 1995 l à goernà la utia sun Piz Boé. Da bez son semper stat sa mont e de 14 egn é tacà a lurar al Refuge Negritella sun Ciampedie, tant per le sajon da d’istà, che da d’invern, canche no aee da jir a scola. Dal 2015 mia familia l’à comprà l Refuge Valacia, che mi pare aea fat su del 1985 e dapò dat via, e enlouta son doventà l più joen refugist del Trentin, de demò 21 egn. Te ciasa se à semper respirà aria da mont, l aon te nosc DNA. 

Podede lejer duta l'intervista su La Usc stampèda de en vender ai 12 de oril.  (Thomas Zulian)