La Usc di Ladins

Chisc dis passé te la cèses di pazienc del dotor Guido Dalprà l é ruà na letra da l’Azienda Provinzièla per i Servijes Sanitères per i envièr a cerner n nef dotor de familia. Defat coi 29 de aost l dotor Dalprà à fenì sia encèria per penscionament e sie post vegnarà tout dal dotor Luca Follador con ambulatorie prinzipèl a Moena e secondarie a Soraga. I pazienc del dotor Dalprà i pel dezider se jir col dotor Follador o con n auter dotor o dotora anter chi con desponibilità de posć. L é 60 dis de temp per cerner e se pel l fèr al Distret sanitèr a Sèn Jan o sul sito de l’APSS o duran Fast Trec.

"Te chest moment - à dit l dotor Follador - farè ambulatorie a Moena, olache è l’enciaria da man de l’Azienda Sanitaria, e Sorèga olache aon metù la senta del grop di medizi de la val. Da setember defat pontarà via la MGI (Medicina di Gruppo Integrata), na sociazion anter duc i dotores de la val."

De più su La Usc stampèda de en vender ai 30 de aost.  (Monica Cigolla)