La Usc di Ladins

La fujion de la sozietèdes de impianc portamont Ciadenac e Bufaure l é stat argoment de gran pèrt de la radunanza di sozi de chela de Vich, chiamèda ite en mèrtesc ai 13 de mé te Comun de Sèn Jan. I sozi vel saer e capir miec e chest l é stat desmostrà ence da la gran prejenza a la doi scontrèdes: a chela de la Ciadenac l era 59 sozi con 9 deleghes, l 75,78% del capital. L president Claudio Bernard à metù dant i vèresc fac ti ultimes doi egn: »Al scomenz se era ponté via con n studie de na sozietà de rei anter le 4 sozietà de val – l à dit – per jir dapò sul percors de na fujion anter chele del zenter Fascia, doi sozietà en bona sanità che pel meter ensema forze e sinergie per esser più atrative e crear n valor enjontà al marcià turistich de duta Fascia.«

Se pel lejer dut su La Usc nr nr 19 dai 23 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Monica Cigolla)