La Usc di Ladins

L é na sociazion nasciuda per renforzèr l'identità musicala tradizionèla de la comunanzes linguistiches storiches de l'Alpe Adria, n raion geografich e storich che lea la Èlpes e l Adriatich, tolan ite na lingia de teritories che fèsc pèrt de la Tèlia, l'Austria, la Slovenia e la Croazia.

A pissèr de meter su chesta sociazion (che l'à inom »Accordion«, che vel dir apontin orghen da mantesc) l é stat Zoran Lupinc, musizist, componist e ensegnante de orghen che te Fascia l é jà stat l met de cognoscer, apontin travers l artist da Gries Claus Soraperra. Lupinc defat l é ruà a sonèr amancol doi outes tel Chino de Cianacei, na outa del 2020, canche l é stat prejentà l liber su Virgilio Soraperra »Kunstmaler« e l'autra del 2023, canche ai 28 de otober l à avert la Festa del Rengraziament de l'Union di Ladins de Fascia con n conzert dassen aprijià dal titol »4 Bellows 4 Tales« (4 Mantesc 4 Stories) ensema con etres 3 sonadores de gran nonzech.

Se pel lejer dut su La Usc nr 18 dai 16 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Lucia Gross)