La Usc di Ladins

Ciao! I sun Dylan y vëgni da La Ila. I á 20 agn mo canche an me ciara, pel che i nen ais demanco. I sun nasciü cun na condiziun genetica conesciüda sciöche sindrom de down. Chësta condiziun á porté a conseguënzes te mi svilup, sides inteletif che fisich. Iö, por ejëmpl, ne sun nia bun da baié, mo ma bun da dí val parora, suradöt "e" y "no", cun chëres ch’i me feji capí cun i atri. Y scenó mëssi comuniché tres d’atri canai, sciöche mostré cun le dëit canche i oress val’, o mostré mies emoziuns por fá capí sce i sun contënt o dala ria löna. Implü ái ince n tablet cun n program aposta, cun chël che i pó comuniché cun mostré imajes, che vëgn spo baiades fora dal tablet instës.

Deplü sön la vita de Dylan y sües pasciuns, podëise lí sön la plata dla jonëza, t’La Usc di Ladins di 23 de ma