La Usc di Ladins

»100.000 ëiles furnides de blanch te n raion de viera. Ëiles che vën da dlonch caprò, da dut l mond. Les ie cuncedes su una dlongia al’autra y les ie coche n scude che fërma su l’ermes«. Cun chësta vijion à na grupa de persones da deplù paejes – dal Sudan, dala Etiopia, dai Paejes Tudësc, dala Nghiltiera y da Sudtirol – metù mpe n muvimënt che uel purté inant na cultura dla pesc.

De chësta grupa fej nce pert Judith Hafner, la ativista de Sudtirol, che fova da permò tla Etiopia per sustenì l’ëiles a »cumbater« – te chësc cajo zënza ermes – per la pesc. 

N mierculdi dl’ena passeda fova Judith a Urtijëi: tl local di jëuni Saut àn metù a jì n cërtl de dialogh per rujené dla pesc. L fova una dla de ndut cin’ ancuntedes che la Kolpingjugend mët a jì te dut Sudtirol, per na cultura dla pesc y dl dialog. Jutta Wieser à menà tres la sëira.

Elisabeth Kostner

L articul tla edizion atuela de La Usc di Ladins.