La Usc di Ladins

A Moena i à dit con n grignot che se cognarà tachèr a vardèr de la quotes brunes. Defat a rejer l’aministrazion l é ruà te Consei de Comun 8 femenes e 6 omegn, apede se sà ben al ombolt Alberto Kostner, che te la litazions dai 4 de mé l aea ciapà 978 stimes. Ence a vidèr la pruma scontrèda do la litazions l é stat na ela: Annalisa Zorzi, che l’à palesà sia sodesfazion per la gran prejenza de eles e de joenes e l’à dit che se cognarà vardèr de les valorisèr.

L’à dit amò che chesta aministrazion cognarà portèr inant l leam percacent co la popolazion envià via te la campagna litèla e ge fèr front a problemes desche la seconda cèses per i sentadins e i besegnes de na popolazion semper più de età, vardan de creèr na coejion sozièla che permete l stèr ben de noscia jent.

Do che l Consei à zertà che no sie empedimenc a tor su la encèria de ombolt e de conseier, l é stat l jurament del ombolt Kostner.

Se pel lejer dut su La Usc nr nr 19 dai 23 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Lucia Gross)