La Usc di Ladins

N grum de gropes da mont e sociazions de folclor à tout pèrt ence chest an en Sènta Maria Maor a la Festa di omegn da mont a Ciampedel. Se se à binà te piaz de paisc olache, do l salut del president di Ciamorces de Fasha Ivan Vian, don Mario Bravin à ofizià messa.

Apede utère i Ciamorces, i menacrepes e i volontadives de la sezion CAI SAT Val de sora, del Socors da mont, di Studafech e de la Crousc Biencia, Alpins, forestai e maestres de schi. Sessaben, per ge fèr da bela cornisc a la celebrazion, ence i Schuhplattler de Ciampedel, la Musega Auta Fascia e la Marchetenderes.

Endèna la perdicia don Mario à portà l salut del piscop monsegnor Lauro Tisi, che no à podù esser enstadì ma l à emprometù de vegnir l an che vegn. L é stat rejonà de la Madona, patrona che vèrda via i menacrepes: »l é na sènta che rejona pech, ma te chela che la pèrla la lo fèsc con ferstont e parola preziouses; na femena che te sia umoltà la se n ascorc de dut e la medita te sie cher«. 
Endèna la procescion del ofertorie l é stat portà sun utère, coscì da i benedir desche zenza i simboi di mestieres da mont.

Se pel lejer dut su La Usc nr 32 dai 22 de aost: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (NICO)