La Usc di Ladins

»No se pel segur dir che l becherle l é passà«. Coscita ne à dit l vardabosch Luciano Calligari.

»A noi l Pian ajornà del bercherle de la Provinzia de Trent no ne é amò ruà, ma i Forestai de Ciavaleis ne à dit che te Fascia e Fiem no muda nia per chel che varda l publich. Chel che vegn consentì ades l é sul privat, che i pel taar le piante verde e far n lot. Fin ades l é stat permetù de taar piante verde sul privat demò per segureza o canche le era grane apede ju le ciase.

L becherle seghita a se slariar fora – à jontà l vardabosch Calligari – tant che de jugn de chest an aon fat l record de insec ciapé te le tenete. Ogne doi setemane sbeton le tenete e mesuron cotenc de insec che l é ite. De jugn de chest an te chele sun Bufaure, sun Pian da le Arboline, n aon mesurà mez litro. Da dir che ogne mililiter l é presciapech 45 insec donca n era presciapech 22.500. A Soraga n aon dombrà 300 mililitres e ju per Fiem adertura i n à ciapà 1,2 litri. Chiò da noi l se à sparpagnà fora più tart, percheche sion più auc e donca amò no podon se conscidrar fora da la epidemia.

Se pel lejer dut su La Usc nr 32 dai 22 de aost: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Monica Cigolla)