La Usc di Ladins

Dotours
Dutor Gherdëina
L dutor de servisc da ncuei, juebia ai 14.08. dala 10:00 inant nchin la 08:00 daduman de n sada ai 16.08. ie la dutu­rëssa Janine Santifaller, che ie da urté tl ambulature dla dr.ssa Cordula Weber a Urti­jëi, streda Trebinger 10, tel. 377/3132223.
Da n sada ai 16.08. dala 08:00 daduman nchin la 08:00 daduman de n lunesc ai 18.08. ie l dutor Giuliano Piccoliori de S. Cristina de servisc, tel. 0471 792282 o 348 3301004.
Doturs Val Badia
Ti comuns de Badia, Corvara y La Val él en sorvisc sura la festa de Santa Maria dal Ciüf, ai 14 y 15 d’ago­st, le dotur Giovanni Cri­vellaro, La Ila, tel. 348 0014266. Tla fin dl’edema di 16 y 17 d’agost él en sorvisc la doturia Jasmine Gabrieli, La Ila, tel. 371 7515275. Ti comuns de Mareo y San Mar­tin de Tor él en sorvisc ai 14 y 15 d’agost y ince ai 16 y 17 d’agost la doturia Stefania Febbraro, Al Plan, tel. 377 3288595.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da ncuei, juebia ai 14.08. nchin n vënderdi ai 15.08. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00). Dal vënderdi inant, nchin al lunesc ai 18.08. ie l’apo­teca de Urtijëi de servisc, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 15 d’agost dales 19:00 al vëndres ai 22 d’agost ales 19:00, é chëra da Corvara, tel. 0471 830237

Segres y Festes
14.08
Festa dla nëif a S. Cristina
La Scola de schi y snowboard de S. Cristina mët a jì na sëira de nëif y devertimënt d’instà: ncuei, 14 de agost dala 20:30 inant tl zënter Iman.
14.–15.08.
Festa alaleria a San Martin
I Stödafüch da San Martin de Tor inviëia ala festa alaleria, chësta jöbia y vëndres ai 14 y 15 d’agost. La festa mët man incö ai 14.08. dales 18:30 cun poscibilité da cené. Dales 21:00 party tl bosch di Pinis. Ai 15.08. dales 10:30 matiné cun musiga de Ossi de Lipo, spo poscibilité da marné. Dales 18:00 sona i »Vollgas«. Tl bosch di Pinis él tresfora ince jüc por i mëndri 
14.–15.08.
Festa dla Gran Santa Maria – Sëlva
N ucajion dla festa dla Gran Santa Maria mët la grupa dla Lies de Sëlva a jì na festa sun plaza de Chemun de Sëlva, ncuei juebia ai 14 de agost dala 18:00 inant. La festa jirà inant n duman, vënderdi, ai 15 dala 10:00 inant. N giaperà da maië y da bever, dut sam­bën cumpanià da de bela mujiga.
17.09.
40 ani dlieja de San Ujep
L aniverser di 40 ani dla dlieja de S. Ujep unirà festejà cun na S. Mëssa ai 7 de setëmber dala 10 danmesdì. La Santa Mëssa unirà abelida dal Cor de Runcadic, da solisć y dal’Or­chestra cun la Pitla Mëssa Credo F-Dur de W. A. Mozart sot ala bachëta de Friedemann Ploner. La Mu­jiga da Bula y la Trohtes fajerà na defileda, sun plaza de scola se cruzierà l Cor de Runcadic de dé ora da maië y bever; la Mujiga da Bula sunerà n pitl cunzert.
20.08.
Paisc en festa a San Ciascian
En mercui ai 20 d’agost dales 16:00 inant él tl zënter da San Ciascian le »Paisc en festa«, cun n marcé de produc d’arte­janat, animaziun por mituns y spezialités gastronomiches. Le domisdé vëgn abelí dai grups »Rise o’clock« y »Vic & Daniel and their Showband«. Da sëra sona i »Volxrock« y le »Arton Duo«.
21.08.
Festa dla lintiernes
Pra la ntreda dl tunel dla ferata a S. Cristina vëniel metù a jì la festa dla lintiernes cun l duo de clowns Herbert y Mimi, che ntratenirà mutons y mutans cun mujiga y stri­unëc. La festa ie ai 21 de agost dala 20:30.
24.08.
Festa dl jol cun mudiei
La lia di mudelisć »Curnacins« mët a jì, deberieda cun i Destudafuech de Albions, la festa dl jol cun mudiei n dumënia ai 24 de agost a Albions. Sce l tëmp ne lascia nia fé, vën la festa spënta de n’ena ai 31 de agost.

Mujiga
Atualmenter
Requiem del Canticum Novum
L Ensemble Canticum Novum de Moena e l Ensemble stru­mental de la Scola de musega Il Pentagramma porta dant amò l Requiem de John Rutter en lunesc ai 18 de aost da les 21:00 te gejia de Cianacei.
Uni vënderdi
L sona i corni da mont
Te Val puderàn scuté su uni vënderdi for dala 16:30 inant, n cunzert de corni da mont.
14.08.
Cunzert dla Mujiga de Urtijëi
La Mujiga de Urtijëi sunerà ncuei, 14 de agost dala 21:00 inant sun Plaza de San Durich.
14.08.
Vasco Tribute
Sun Plaza de Chemun de Sëlva sunerà y cianterà la grupa »Vasco Tribute« mujiga dl ciantarin talian scialdi cu­ne­­sciù. L cunzert ie ncuei, 14 de agost dala 21:00 inant.
15.08.
Conzert dla Musiga da Rina
En doman vëndres ai 15 d’agost, festa de Santa Maria dal Ciüf, dales 10:00, tl zënter da Rina.
15.08.
Conzert y lotaria dla Musiga d’Al Plan
En doman vëndres ai 15 d’agost, Santa Maria dal Ciüf, dales 11:00, él la Musiga d’Al Plan che tëgn conzert sön paiun de paisc. Dedô estraziun dla lotaria a bëgn dla uniun.
15.08.
»Cunzert de Ferragosto«
N duman, 15 de agost dala 21:30 sunerà l’Urchestra Me­rano Pop Symphony tl zënter de Urtijëi.
16.08
Presentaziun dl album »Crosspath« dla band »Rise o’ Clock«
En sabeda ai 16 d’agost dales 21:00 presentëia la band »Rise o’Clock« so pröm album »Cross­path« sön paiun a Cor­vara. Sce al ess da ester bur’ tëmp, vëgn le conzert tigní te salf dles manifestaziuns a Corvara.
17.08.
Candle Notes – sëira de mujiga tla lum di cëiresc
Sun plaza de Chemun te Sëlva vëniel metù a jì na sëira de mujiga tla lum di cëiresc, n dumënia ai 17 de agost dala 21:00 inant.
17.08.
Cianté y soné sön munt
La iniziativa dl »Cianté y soné sön munt« tl’Alta Badia vá inant. Pro la ütia Bec de Roces sura le ju de Ciaulunch él da aldí en domënia ai 17 d’agost dales 13:30 inant le grup »Arton Duo« cun Mattia De­metz ai orghi da botuns y Gio­vanni Demetz ala chitara.
17.08.
Matinée de jazz cun la grupa »Revensch«
Tl zënter de Urtijëi saral ai 17 de agost dala 11:00 inant n matinée dedicà ala mujiga jazz, cun la grupa »Revensch«.
19.08.
Omaje al fotograf Faganello
En mercol ai 19 de aost da les 21:00 te sala grana del Istitut Cultural Ladin a Sèn Jan vegn recordà l fotograf trentin Flavio Faganello col recital »La femenes te la sajons da mont« con sie retrac, la oujes de Chiara Turrini e Beatrice Scartezzini, Lorenza Anderle al piano e Veronica Beber al violoncel.
20.08.
Sëira tiroleja: bai, mujiga y trohtes
Sun plaza de Chemun de Sëlva saràl ai 20.08. dala 21:00 inant na sëira tiroleja, cun bai, mujiga y trohtes tradiziu­neles.
20.08.
Cunzert dla Mujiga de S. Cristina
La Mujiga de S. Cristina su­nerà ai 20 de agost dala 21:00 inant tl zënter Iman te S. Cristina.
21.08.
Cunzert dla Mujiga de Perbian
La Mujiga de Perbian sunerà ai 21 de agost dala 21:00 inant tl zënter sun plaza de Chemun te Sëlva.
21.08.
Defileda dla trohtes y cunzert dla Mujiga
Ai 21 de agost dala 21:00 a Urtijëi dal Hotel Madonna nchin sun plaza de dlieja: defileda dla Lia guanc dala Gherdëina acumpaniei dala Mujiga de Urtijëi, che tenirà nce si cunzert sun la plaza dan dlieja.
22.08.
Conzert dla Musiga da San Martin
En vëndres ai 22 d’agost dales 21:00, sön paiun d’Al Plan.
23/24-08.
Evi Mair & Friends a Panorama Music
Per la rassegna de musega ‘Fassa Panorama Music’ en sabeda ai 23 de aost da les 21:30 a La Grenz de Moena e domenia ai 24 da les 11:30 sun Ciampedie l é i conzerc de Evi Mair & Friends.

Avisc
Atualmenter
Jon a pe… Vegneto?
L Comun de Sèn Jan à abù na bela pissada, ajache jir a pe fasc ben a la sanità, fat de seghit l val l dopie e ensema a autra jent l é ence gustegol. Se se troa vigni mercol da le 9 dadoman te piaz dal Mal­gher, per far n troi sorì che pel far duc, compagné da n volontadif de Sèn Jan. Baste se tor do ciuzè sorii, mingol de aga e la voa de star ben.
Atualmenter
Giramuseo al Museo Ladin
Per dut istà vigni lunesc con scomenz da les 10:00 l staff del Museo Ladin de Fascia endreza Giramuseo, na raida a descorir la esposizions per duta la familia.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena unirà prejentà n mestier da artejan y l ne mancerà nia ntratenimënt de mujiga.
Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant An­tone a Urtijëi sarà inò da­viert dai 2 de lugio inant, uni mierculdi dala 15:00 nchin la 19:00.
16.08.
Antartide, viac, enrescida
En sabeda ai 16 de aost da les 21:00 te sala Rovisi de Moena l CAI SAT endreza na scontrèda con l alpinist Alessandro Baù che contarà de sia spedizion te l’Antartide e de sia mesurazions climati­ches anter enrescida e scienza.
16.08.
Cristiano Militello a Poza
En sabeda ai 16 de aost da les 21:15 te piaz de Comun de Sèn Jan a Poza, tel chèder de Ispirazions d’istà, l é na scontrèda con Cristiano Mili­ttello de Striscia la notizia su la satira e so raport con la fe.
18.08.
L docufilm Straordenères a Poza
En lunesc ai 18 de aost da les 21:15 te piaz de Comun a Poza, tel chèder de la rassegna ‘Ad alta voce’ vegn fat veder l docu­film ‘Straordinarie’ dal Trent Film Festival, la storia de 6 refugistes, 3 de noscia val.
20.08.
Elisa Sommavilla prejenta sie liber
En mercol ai 20 de aost da les 17:30 te piaz Perle Alpine a Moena, tel chèder de la ras­se­gna Moena Incontri, Elisa Sommavilla prejenta sie liber ‘Storia di una cellula impazzita’ che conta de sia malatia che la paroles muda te n in a la vita.
20.08.
Spetacol con Stefano Massini
En mercol ai 20 de aost da les 21:00 te chino Marmolèda de Cianacei vegn endrezà n spetacol de teater de e con Stefano Massini, scritor, dra­maturgh e cognosciù perso­naje televisif che compa­gnarà l publich te n viac a la desco­rida de nosc sentir. Entrèda a paament.
21.08.
L coraje de cerner
En jebia ai 21 de aost da les 21:15 te teater del Oratorie de Poza tel chèder de Ispira­zions d’istà l é na scontrèda sul ‘fine vita’ con l senator Alfredo Bazoli, l Piscop Lauro Tisi, l professor Stefano Sem­plici e l dotor Luca Manfre­dini.
21.08.
A veder la steiles sun Pordoi
En jebia ai 21 de aost da les 20:30 sun Sas Pordoi, tel chè­der de la rassegna ‘Cianacei Campo Base’, se pel jir a veder la steiles con l joen Vincent Stambè e i menacrepes che compagna la jent sul ‘Lunar tour’.
21.08.
Marcià de segonda man de guant
La Lia per Natura y Usanzes mët a jì n marcià de guant de segonda man, n juebia ai 21 de agost dala 10:00 inant a Urtijëi, tla Villa Aurelia, streda Rezia 240.

Mostres y Ert
Atualmenter
Operes de Matthias Sieff a Limone
L’à inom »Presenze« l’esposi­zion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia cara­te­­­riestiches gran operes re­starà fora da poder veder per dut istà, enscin al meis de otober.
Atualmenter
Mostra Genius a Vich
Fin ai 22 de aost te la scoles populères de Vich se pel veder la mostra ‘Genius–Leonardo da Vinci anter èrt e scienza’ endrezèda dai studenc del liceo scientifich e artistich de la Scola Ladina en colabora­zion con l Ecomuseo de la Roggia Mora de Vigevano: de lunesc, mercol e jebia da les 15:00 a les 19:30 e da les 20:00 a les 22:00; de mèrtesc, vender e domenia demò domesdì, de sabeda serà.
Atualmënter
Mostra »Le lu é chiló«
Te Ciasa dl parch a Al Plan él da odëi fina al 31 d’otober la mostra »Le lu é chiló«, olache al vëgn tematisé le lu che popolëia indô i raiuns dles Alpes, la reaziun dla porsona y co che la presënza dl lu müda nos, nostes contra­des y la manira da tigní tiers.
Atualmënter
Mostra: »Countdown to mass extinction?«
Cina al 31 d’agost él ciamó da odëi tl Museum Ladin Ciastel de Tor la mostra spe­ziala »Countdown to mass extinction?«. La mostra se dá jö cun la plü gran estinziun de massa tla storia dla tera, en relaziun cun la crisa clima­tica d’aldedaincö.
Atualmënter
Mostra de Lois Anvidalfarei
»Cina ai 16 d’agost él da odëi tl Museum dla cité de Tlüses, str. Frag 1, la mostra »Corpus meum« de Lois Anvidalfarei. La mostra é daverta chësta jöbia cina sabeda dales 9:30 ales 12:00 y dales 15:30 ales 18:00.
Atualmënter
Elisa Rungger tl Ciastel de Tor
Cina ai 27 de setëmber él da odëi tl MusLa Ciastel de Tor a San Martin la mostra »Danter­­ite« de Elisa Rungger da Rina. La cerna di laurs metüs fora tol ite operes fora de n spectrum de deplü agn. Insciö pîta la mostra sides elemënc retrospetifs, che na vijiun söles operes da sëgn, sciöche ince na odlada tl svilup artistich dl dagní.
Atualmenter
Mostra de Andrea Soraperra
Fin ai 31 de aost, duc i dis da les 16:00 a les 19:00, te sala de Consei de Comun de Cia­nacei se pel veder na mostra de operes del artist Andrea Soraperra.
Atualmënter
Mostra Idea UNIKA 2025
Ntan chësc instà vëniel metù ora la mostra Idea Unika tl zënter de Urtijëi, sun Pana y tl raion da jì a pe de Sëlva, ulache artisć:tes dl luech prejenterà si lëures nchin a mez setëmber.
Atualmënter
»NATURAL-MENTE« – mostra coletiva
L Tublà da Nives à l plajëi de nvië a chësta mostra de 9 artisć cuntemporans, che re­sterà da udëi nchin ai 7 de setëmber, uni di ora che l lunesc, dala 16.00 nchin la 19.00 y de merdi, mierculdi y vënderdi nce dala 20:00–22:00.
Atualmënter
Vites scundudes tla montes
Tla Galaria de Fìe, sun plaza de dlieja, ie metù ora la mostra de Wilhelm Senoner, che resterà davierta nchin ai 20 de agost, dal merdi nchin la sada dala 16:00–19:00 y de sada nce danmesdi, 10:00–12:00.
16.-17.08.
Mostra de Leonora Prugger
L’artista nvieia ala giaurida dla mostra sa Pilat, sëura Urtijëi, n sada ai 16 de agost dala 11:00. L sunerà la grupa ACAJO y l dajerà nce velch da bever y da maië. La mostra sarà davierta nce n dumënia ai 17 de agost dala 9:00 nchin la 18:00.
21.-29.08.
Mostra dl cuncors foto­grafich »Flora y fauna de Gherdëina«
Sun streda Mëisules y sun Plaza Nives te Sëlva puderàn amiré la 20 miëura pultredes dates ju per l cuncors, che sarà metudes ora dai 21 nchin ai 29 de agost.
22.08.
Mostra de Vespes
Sun Plaza Nives te Sëlva mët l Vespa Club Gherdëina a jì na mostra de vespes, n vën­derdi ai 22 de agost dala 19:30 nchin la 22:00.
24.08.
Mostra de fonc
Sun Plaza Nives de Sëlva uni­ràl metù ora d’uni sort de fonc, ai 24.08. dala 09:00 inant.

Chino
Atualmenter
Al chino de Pardac
Insnet, jebia ai 14 de aost da les 17:00 l é »I fantastici 4«, vender ai 15 da les 21:15 l é »Io sono nessuno 2«, sabeda ai 16 da les 21:15 l é »Warfare tempo di guerra« en ante­pruma, domenia ai 17 da les 17:15 l é »Lilo % Stitch« a 5 euro e da les 21:15 l é »Io sono nessuno 2«, lunesc ai 18 da les 17:30 l é »Elio« a 5 euro e da les 21:15 »Unicorni« a 3,50 euro, mercol ai 20 da les 21:15 l é »Monsieur Blake a 3,50 euro. Info su www.cinema predazzo.it
Atualmenter
Al chino de Tieser
Vender ai 15 de aost da les 17:30 l é »Elio« a 5 euro e da les 21:15 l é »Una pallottola spuntata«, sabeda ai 16 da les 21:15 l é »Io sono nessuno 2«, domenia ai 17 da les 21:15 l é »Quel pazzo venerdì sempre più pazzo«, lunesc ai 18 da les 21:15 en 3D l é »Jurassic world-La rinascita« che vegn moscià ence mèrtesc ai 19 da les 17:15 en 2D e da les 21:15 l é »F1«, jebia ai 21 da les 17:00 e da les 21:15 l é »Troppo cattivi«. Info su www.cinema tesero.com

Iadi y Jites
Atualmënter
Iscrizions: Viac de 5 dis tl Saarland
La grupa KVW de S.Cristina mët inò a jì n viac da d’autonn, chëst iede tl Saarland cun la Region dla Mosel y Luxem­burg, dai 1. al 5 de utober. Per plu nfurmazions y iscri­zions: Emmerich Senoner, 335 5713575.
24.08.
Cun l’ E-bike sun »Pfitscherjoch« y ora per l Zillertal
La Lia da Mont Gherdëina mët a jì chësta jita n dumënia ai 24 de agost. Cun la curiera furneran te Pfitsch a Kematen, da ulache n peia de viers dl Pfitscherjoch y inant nchin a Strass, da ulache la curiera peia inò de reviers. L vën pià via da Urtijëi sun plaza S.An­ton dala 6:30. Priesc per cumëmbri 18,00 € (sot ai 18 ani: 13€). Plu nfurmazions: Georg, 335/7885710, Theo 338/3340111. Iscrizions: per »Whatsapp« dai 13. ai 17 de agost al 338/3340111.

Sport
14.08.
Giro de le Notole
Insnet, jebia ai 14 de aost da les 21:00 la Monti Pallidi en­dreza l 50° Giro de le No­tole, garejèda de corsa a pe de 6 chilometres con partenza e travert te Piaz de Sotegrava. Premiazions da les 22:30 te piaz de Moena.
14.08.
»Feelings

• 
•  

View the embedded image gallery online at:
https://www.lausc.it/manifestazions-y-evenc/30126-manifestazions-atuales#sigProIddcbec1cbe0

on Ice« – Memorial Robert Spath
Ai 14 de agost, dala 18:00 se trasfurmea l palaz dala dlacia Pranives te Sëlva te na pala­dina per na manifestazion culturela: »Feelings on Ice« – Memorial Robert Spath. La ntreda ie a dunfierta liedia–ciche vën trat ite ti va a na familia che à debujën.
17.08.
Horse Festival Pozzamanigoni
La scola per ji a ciaval FISE Poza­manigoni nvieia ala 11eji­ma edizion dl festival de ciavei, n dumënia ai 17 de agost dala 10:00 inant. L sarà n di de aurela curta, cun mu­jiga dal vif y desmu­strazions a ciaval.
21.08.
HC Gherdëina vs. Fassa Falcons
Tl stadio Pranives de Sëlva saràl ai 21 de agost dala 20:45 la partida de amezizia danter l HC Gherdëina y i Unterland Cavaliers.

Religion
08. – 10.09.
Pelegrinaje tla Slovenia
Le KVW Val Badia organisëia n pelegrinaje tla Slovenia cun siur degan Iaco Willeit, ai 8, 9 y 10 de setëmber. Al é ciamó dui posć. Prenotaziuns y infor­maziuns pro Christoph Pezze­di al 333 7219535 o ala mail crix.pezzedi@gmail.com.
01. – 06.10.
Pelegrinaje a Medjugorje
Dal 1. ai 6 de otober vëgnel or­ganisé n pelegrinaje a Medju­gorje. Informaziuns y pre­notaziuns pro Daniele y Patrizia Agostini al 335 5268546 o al 347 7537887.
06. – 09.11.
Pelegrinaje jö da Padre Pio
Dai 6 ai 9 de novëmber vëgnel metü a jí n pelegrinaje a Mano­pello, a San Giovanni Rotondo jö da San Padre Pio y a San Michele al Gargano. Informaziuns y prenotaziuns pro Daniele y Patrizia Agostini al 335 5268546 o al 347 7537887.

Leteratura
14.08.
Ultima incuntada cun l’autur tl’Alta Badia
Incö jöbia ai 14 d’agost dales 18:00 cun Ambra Angiolini, che presentëia le liber »I miei libri esclamativi«, te salf dles manifestaziuns o sön paiun da Corvara.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de refe­rimënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 28 d’agost. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
14. – 17.08.
Marcé de benefiziënza a La Ila
Dai 14 ai 17 d’agost, tres dales 15:00 ales 19:00, vëgnel ciamó tigní tla Ciasa dla Cul­tura a La Ila n marcé de benefi­ziënza. Al vëgn venü cosses fates a man y patüc da mangé fat te ciasa. Döt por daidé na istituziun a fin de bëgn tla diozeja de don Andrea tl’U­gan­da (che vëgn bele tröc agn a daidé fora te nostes cöres).
14. – 17.08.
Marcé solidal Al Plan y San Ciascian
L’Operazione Mato Grosso inviëia dër bel al marcé, olache an ciafa de vigni sort de visti­mënt y drapamëntes de lana de alpaca, fates a man da ëres tles misciuns dl Perù. Le mar­cé é vigni de cina ai 17 d’agost, te calonia a Al Plan y te calonia a San Cia­scian. Orar: dales 10:00 ales 12:30 y dales 15:30 ales 19:00.

Temp Lede
Uni lunesc
Kids Night – juesc y devertimënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 25 de agost.
Uni juebia
»Flying Aperitivo«
Nchin tl scumenciamënt de setëmber, uni juebia, 18:00 - 19.00 sun Pana. Ntan n viac sun l lift dai stuei de Mont de Sëura y inò ju, pòssen se goder l bel udëi ora pra n aperitif. L ie dase scrì ite nchin al di dant pra la Lia dl Turism de S.Cristina o pra l mplant.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi (ora che ai 15.08. y 29.08.). Sam­bën ne manceràl nia de bela mujiga.
15.08.
Festa di Omegn da Mont
En vender ai 15 de aost a Ciampedel l é la tradizionèla Festa di Omegn da Mont. Da les 9:10 se se troa te piaz, salut del president di Ciamorces, da les 9:30 messa e do defilèda fin al Monument de la Guides con la Musega Auta Fascia.
15.08.
Defileda dla trohtes tradiziuneles te Sëlva
La defileda tradiziunela cun la trohtes tradiziuneles, mu­jiga y bal pëierà via dala 16:00 tla streda Nives, per jì tres la streda Mëisules nchin sun plaza de Chemun de Sëlva.
15.08.
La Ila: defilada de Santa Maria dal Ciüf
En vëndres ai 15 d’agost dales 14:30 él a La Ila la defilada tradizionala fora por le zënter. En chësc ann ésera dedicada ai 100 agn di Stüdafüch da La Ila. An podará spo aldí con­­zerc de deplü musighes y da sëra sona le grup »Tiro­ling­Stones«.
15.08.
Gran Santa Maria – Urtijëi
La Santa Mëssa per zelebré la Gran Santa Maria, ai 15 de agost, sarà dala 09:00 tla dlieja de San Durich. L unirà benedì craitles de medejina y ciofs, coche da tradizion. Do mëssa saràl la defileda dla trohtes tres l raion da jì a pe nchin sun Plaza de Sant An­tone, cumpanieda dala mujiga dl Trio Ladinia.
15-17.08.
Sègra de Penìa
Da vender ai 15 a domenia ai 17 de aost l Grop de la Mè­scres de Dèlba e Penìa fèsc festa per i patrons Sèn Roch e Sèn Bastian lo da la veia Sia con magnères, muse­ga e en domenia da les 15:00 la defilèda coi gropes folk.
17., 19., y 21.08.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí vigni mertesc, jöbia y domënia jüc, animaziun y devertimënt por mituns da 5 a 10 agn, dales 13:30 ales 17:00.
19.08.
»Kapla & more« – domesdì de juesc
La biblioteca de San Durich a Urtijëi mët a jì n domesdì de juesc cun «DINX», n merdi ai 19 de agost dala 15:00 nchin la 18:00. L domesdì ie adatà per mutons y mutans dai trëi ani insù.
19.08.
Ueia de nëif a Urtijëi
La Scola de schi y snowboard de Urtijëi mët a jì na sëira de nëif y devertimënt d’instà, tl raion da jì a pe dala 20:00 inant. Duc y dutes ie de cuer nviei a passé.
20.08.
Liejer y pastelné te biblioteca
La biblioteca publica de Sëlva, deberieda cun l Istitut Ladin Micurà de Rü, nvieia a n dan­­mesdì ntan chël che l unirà liet dant na storia y dal­dò pa­­­stelnà, n mierculdi ai 20 de agost dala 09:30 inant. La ma­nifestazion ie adateda per mutons y mutans dai 6 ai 10 ani.
19.08.
»Kids Day« a Al Plan
Vigni mertesc cina ai 26 d’agost vëgnel pité dales 14:00 ales 17:30 pro la »spiaggetta« a Al Plan n domisdé por i mituns cun de vigni sort de staziuns creatives, jüc cun l’ega y ince la poscibilité da se fá na roda cun le ciaval. Al é debann y an n’á nia bria da s’anunzié.
21.08.
Desmostraziun dl Pröm Aiüt
En jöbia ai 21 d’agost dales 21:00 él pro paiun d’Al Plan na desmostraziun de pröm aiüt, cun i Stödafüch y la Crusc Blancia d’Al Plan.
21.08.
La Val: devertimënt por mituns
En jöbia ai 21 de agost pó mitans y mituns da 3 a 12 agn passé n domisdé dediché al pastelné. An s’incunta dales 15:00 pro l’ofize turistich da La Val; al gnará pastelné cun peres, pasta da sé y arjigné ca spiduns da ordöra. Iscri­ziuns online o ti ofizi turistics dl’Alta Badia. Al vëgn da­mané la presënza de n adult.
22.08.
Al Plan: Marcé da paur
Sön le marcé da paur »Agri­colart« a Al Plan ciafon de vigni sort de produc da nüsc lüsc. Le marcé vëgn tigní en vëndres ai 22 d’agost dales 16:00 ales 19:00 sön le lüch de Corcela.
22.08.
Le monn di fonguns
En vëndres ai 22 d’agost vëgnel tigní a Corvara na escurjiun olache an impara deplü sön i fonguns: sciöche an i conësc fora, da i respeté y tröp d’ater. An pëia ia cun Andrea dales 9:30 dal raiun artejanal da Corvara. Iscri­ziuns online o ti ofizi turistics dl’Alta Badia.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
19.08.
Natura e ambient – biraries artejanales tla Ladinia
Dales 20:50 ca. Test y regia Karin Pizzinini, produziun Pinterfilm, a cura de Alessan­dro Dapunt.
20.08.
Deboriada
Dales 20:50 ca. Test y regia Ivan Senoner, produziun Pen­npro, a cura de Leo Senoner.
21.08.
S-link vire te n monn digital
Dales 20:50 ca. N program de Cinzia Pistoia, a cura de Alessandro Dapunt.

Cursc
14.08.
Minicurs de ladin
L Istitut Ladin Micurà de Rü te Sëlva nvieia a na ancunteda cun l lingaz y la cultura ladina, cun l referënt Gabriel Pera­thoner, n juebia ai 14 de agost dala 14:20 nchin la 15:30 tl Istitut. Priesc: 27€.
18. – 25.08.
Curs de preparaziun al ejam de trilinguism
Organisé dal Sorvisc ai Jogn, dai 18 ai 25 d’agost, dales 19:30 ales 21:00, tl Istitut La­din »Micurá de Rü« a San Martin. Le curs é por jones y jogn da 16 a 30 agn. L’iscri­ziun é da fá sön la plata proiec.org – le cost é de 20,00€.

Radio
Ven. 15.8.25
L zënter de terapia »Bad Bachgart«
Pra la strutura »Bad Bachgart« a Redant/Rodeneck. L se trata de na cësa ulache l vën tëut su y curà pazienc che à d’uni sort de problems y desturbs psichics. L psicologh Edmund Senoner ie da plu de 20 ani che l lëura tlo y nes stlarësc i fins y la formes de terapies che ie dan man jan ite sun de­plu aspec drët nteressanc. Tras­miscion de Stefano Zanotti.