La Usc di Ladins

Strèda de la rodes da Moena envers Fascia. Do passa 15 egn che se spetèa, l é stat inaudà n trat de percors emponù zenza coinvolgiment. Vedui i tempes dediché al pensier enlumenà del promotor, Provinzia de Trent e Comun de Moena, se podea se spetèr efizienza e sobrietà. L é stat na inaudazion spifenta, pec enciarié, politics de la val e de la Provinzia, l tai de la veta che no pel mai mencèr. La popolazion mencèa, sarèl na rejon?
Aon spenù 1,2 milions de scioldi publics. Per aer che pa? Aldelà del don al voler de la Marcialonga, che vadagn ge vegnel a la comunanzes de Moena e de Fascia? 
Problemes tropes e nia aldò.
L problem maor de Moena l é la mencianza de posć publiches per i auti. Ades ge à pissà l troi de la rodes a n tor demez dejines, più inant sarà la realisazion perveduda de la cabinovia envers Lujia, dejutola, podon dir ence redicola.
Per jir de retorn al percors per la rodes. Prum de dut chest nef trat no l lea Fiem-Moena a Fascia: rué tel zenter se cogn passèr fora l paisc su na strada statala, olache passa n bon pec de auti. Per ruèr se passa dal ‘ex’ Vial...
E amò: chest percors, coche l é stat realisà, l à dessatà n monument storich, l Pont de mur.

Se pel lejer dut su La Usc nr 32 dai 22 de aost: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Luigi Casanova)