La Usc di Ladins

Canche an vá sö por munt, él rî da ne se archité nia a amiré le pano­ram, i crëps y les peres. Les formes y i moti dla pera cunta dl passé. Fora dla fatöra geologica dla contrada él da reconësce reliefs marins: con­cores gumbes, groies, a spirala, sciöche ince resti de corai á chiló lascé la merscia. A chi che ciara plü avisa podessel cinamai sozede da ciafé val’ corat ciamó intier y ciodí nia, val’ relit. Insciö éra stada por i protagonisć dla publicaziun che porta le titul »L’Itiosaur de Secëda«. 
La naraziun é ispirada a n fat real, ara cunta la storia de n per de compagns – plü avisa se trátera de Meinhard Strohl y Johann Comploj – che é rová tratan na escurjiun tl 1968 fora por les pares de Secëda pro resć de gran valüta paleontologica.

Deboriada á l’auturia Claudia Urthaler y l’ilustradëssa Sara Wel­poner presenté la publicaziun nöia ince a San Ciascian tl Museum Ladin Ursus ladinicus.


Deplü ciafëise da lí tla ediziun nöia de vëndres, ai 22 d'agost!