La Usc di Ladins

Religion
01. – 06.10.
Pelegrinaje a Medjugorje
Dal 1. ai 6 de otober vëgnel or­­ganisé n pelegrinaje a Me­djugorje. Informaziuns y pre­no­taziuns pro Daniele y Patri­zia Agostini al 335 5268546 o al 347 7537887.
06. – 09.11.
Pelegrinaje jö da Padre Pio
Dai 6 ai 9 de novëmber vëgnel metü a jí n pelegrinaje a Ma­no­pello, a San Giovanni Ro­­ton­do jö da San Padre Pio y a San Michele al Gargano. Informaziuns y prenotaziuns pro Daniele y Patrizia Agostini al 335 5268546 o al 347 7537887.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 28 d’agost. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
29.08.
Deberieda – jita sun la mont de Marinsen
N se anconta n vënderdi ai 29 de agost dala 14:00 dan la Cësa de Paussa a Urtijëi per fé na bela jita n cumpa­nìa. »Deberieda« ie na grupa che mët a jì ancuntedes danter ulen­teres y persones che à pro­blems psichics o de sozia­lisazion.

Referac
28.08.
Massaja per popi
L referat cun la referënta Karin Angelika Planker vën metù a jì tla Cësa dla Lies a Runcadic, n juebia ai 28 de agost. L curs n con’ dla mas­saja per popi y co capì i seniai di fantulins jirà inant per de ndut cater iedesc, for de juebia dala 10:00 - 11:30. Priesc: 40 €. Per nfurmazions y iscri­zions: 338 6032603.
25.08.
Na munt de emoziuns
En lönesc ai 25 d’agost dales 21:15 él tl salf dles manife­staziuns da Corvara na serada cun l’ex atlet paralimpich Andrea Lanfri. Te n referat cuntel de süa vita y süa storia sportiva.

Avisc
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Jon a pe… Vegneto?
L Comun de Sèn Jan à abù na bela pissada, ajache jir a pe fasc ben a la sanità, fat de seghit l val l dopie e ensema a autra jent l é ence gustegol. Se se troa vigni mercol da le 9 dadoman te piaz dal Mal­gher, per far n troi sorì che pel far duc, compagné da n volontadif de Sèn Jan. Baste se tor do ciuzè sorii, mingol de aga e la voa de star ben.
Atualmenter
Giramuseo al Museo Ladin
Per dut istà vigni lunesc con scomenz da les 10:00 l staff del Museo Ladin de Fascia endreza Giramuseo, na raida a descorir la esposizions per duta la familia.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artejnas tl zënter de Santa Cristina. Uni ena unirà prejentà n mestier da artejan y l ne mancerà nia ntratenimënt de mujiga.
Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi sarà inò daviert dai 2 de lugio inant, uni mierculdi dala 15:00 nchin la 19:00.
22.08.
Stories de Medjugorje
Insnet, vender ai 22 de aost da les 21:15 a La Gran Ciasa a Soraga i tousc de la Comu­nità ‘Gesù Confido in Te’ de Medjugorje porta dant sia testimonianzes de rescat con la speranza e l amor. Na oca­jion per scutèr e se lascèr ispirèr.
23.08.
L paesaje a la calità de vita
En sabeda ai 23 de aost da les 21:00 te sala de Consei de Comun de Sèn Jan l CAI SAT met dant na scontrèda con Antonio Sarzo, espert de teritorie e sostegnibilità per fèr na reflescion sul leam anter ambient e benesser.
24.08.
Spetacol SunSom
En domenia ai 24 de aost da les 21:00 tedant la gejia de Sèn Roch e Sèn Bastian de Penìa l grop de jogolieres Cir­censema porta dant l spetacol ‘SunSom’.
26.08.
Concita De Gregorio a Navalge
En mèrtesc ai 26 de aost da les 21:00 te teater de Navalge l é l spetacol intim e poetich de Concita de Gregorio, scri­tora e giornalista e Erica Mous, joena ciantautora.
27.08.
Con i esperc del CAI SAT
En mercol ai 27 de aost da les 21:00 te piaz de Ciampedel l é na scontrèda con i esperc del CAI SAT Auta Fascia per rejonèr de segureza e de cul­tura de la mont.
28.08.
Crepe de lum a Poza
En jebia ai 28 de aost da les 21:15 te piaz de Comun a Poza, tel chèder de la rassegna ‘Ad alta voce’, vegn moscià l docufilm ‘Crepe de lum’ de la Musega da Poza che é stat prejentà ence al Trent Film Festival.
28.08.
50 ani finela de Copa dl Mond
N ucajion di 50 ani dala finela de Copa dl Mond vëniel metù a jì na mëisa turonda cun Gustav Thöni y Ingemar Sten­mark, n juebia ai 28 de agost dala 17:30 tla Cësa di Cun­gresc a Urtijëi – na ucajion per cialé de reviers y lecurdé la finela che à scrit la storia dl schi.
29.08.
Spetacol de Istà Algegra
En vender ai 29 de aost da les 20:45 al teater de Navalge i bec e la bezes de Istà Algegra porta dant sie spetacol finèl de l’animazion da d’istà.
01.09.
Lia di Filatelisć – ancuntedes
La Lia di Filatelisć, Numis­matics y Vedla Chertes de Gherdëina se anconta uni prim lunesc dl mëns dala 20:00 tl Bar 2000 a S. Cris­tina, per s‘la ciaculé y fé vel‘ barat. La proscima ancunteda sarà ai 1. de setëmber.
05.09.
San Martin: udiënza dla defensuria popolara
La defensuria popolara o süa sostituta tëgn udiënza a San Martin de Tor, tl salf di stöda­füch, en vëndres ai 5 de setëm­ber dales 14:00 ales 17:00. Por prenotaziuns cherdé sö le 0471 946020. L’ultima udiënza dl ann é spo ai 7 de novëmber.
24.09.
Festa dla classa dl 1950 dla Val Badia
La classa 50 dla Val Badia organisëia na picia festa, por rengrazié y festejé la bela eté de 75 agn. An s’incunta en mer­cui ai 24 de setëmber dales 15:00 a La Pli. Por infor­maziuns y prenotaziuns (anter i 10.09.), cherdé sö Giovanni (Jonson) al 0474 501295 o 335 5232892, o Annamaria al 334 8102551.

Dotours
Dutor Gherdëina
L dutor de servisc da n sada ai 23.08. dala 08:00 daduman nchin la 08:00 daduman de n lunesc ai 25.08. ie l dutor Pablo Policastro tl ambula­tuere di dutores Kostner/Weber, a Urtijëi tla streda Trebinger 10, tel. 366 3646 254.
Doturs Val Badia
Ti comuns de Badia, Corvara y La Val él en sorvisc tla fin dl’edema 23 y 24 d’agost le dotur Guido Caretta, Cal­fosch, tel. 0471 836870 o 337 616080. Ti comuns de Mareo y San Martin de Tor él en sorvisc le dotur Eduard Agrei­ter, San Martin de Tor, tel. 0474 523315 o 333 1380852.

Apoteches
Apoteca Gherdëina
L‘apoteca che ie de servisc ora dl orar urdiner de giaurida, da n vënderdi ai 22.08. nchin n vënderdi ai 29.08. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 22 d’agost dales 19:00 al vëndres ai 29 d’agost ales 19:00, é chëra da La Ila, tel. 0471 847152.

Segres y Festes
31.08.
Festa di paures
Te Pra da Rì te Val mët i Pau­res jëuni de Sëlva a jì la festa di paures, ai 31 de agost dala 10:00 inant.

Mostres y Ert
Atualmenter
Operes de Matthias Sieff a Limone
L’à inom »Presenze« l’esposi­zion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia cara­teriestiches gran operes restarà fora da poder veder per dut istà, enscin al meis de otober.
Atualmenter
Mostra

• 
•  

View the embedded image gallery online at:
https://www.lausc.it/manifestazions-y-evenc/30180-manifestazions-atuales#sigProId32a53f9e01

Genius a Vich
Fin ai 22 de aost te la scoles populères de Vich se pel veder la mostra ‘Genius – Leonardo da Vinci anter èrt e scienza’ endrezèda dai studenc del liceo scientifich e artistich de la Scola Ladina en colabo­razion con l Ecomuseo de la Roggia Mora de Vigevano: de lunesc, mercol e jebia da les 15:00 a les 19:30 e da les 20:00 a les 22:00; de mèrtesc, vender e domenia demò do­mesdì, de sabeda serà.
Atualmënter
Mostra Idea UNIKA 2025
Ntan chësc instà vëniel metù ora la mostra Idea Unika tl zënter de Urtijëi, sun Pana y tl raion da jì a pe de Sëlva, ulache artisć:tes dl luech pre­jënta si lëures nchin a mez setëmber.
Atualmënter
»NATURAL-MENTE« – mostra coletiva
L Tublà da Nives à l plajëi de nvië a chësta mostra de 9 ar­tisć cuntemporans, che reste­rà da udëi nchin ai 7 de setëm­ber, uni di ora che l lunesc, dala 16.00 nchin la 19.00 y de merdi, mierculdi y vënderdi nce dala 20:00–22:00.
Atualmënter
Mostra dl cuncors fotografich »Flora y fauna de Gherdëina«
Sun streda Mëisules y sun Plaza Nives te Sëlva pòssen dai 21 nchin ai 29 de agosto amiré la 20 miëura pultredes dates ju per l cuncors.
Atualmënter
Mostra »Le lu é chiló«
Te Ciasa dl parch a Al Plan él da odëi fina al 31 d’otober la mostra »Le lu é chiló«, olache al vëgn tematisé le lu che popolëia indô i raiuns dles Alpes, la reaziun dla porsona y co che la presënza dl lu müda nos, nostes con­trades y la manira da tigní tiers.
Atualmënter
Mostra: »Countdown to mass extinction?«
Cina al 31 d’agost él ciamó da odëi tl Museum Ladin Ciastel de Tor la mostra spe­ziala »Countdown to mass extinction?«. La mostra se dá jö cun la plü gran estinziun de massa tla storia dla tera, en relaziun cun la crisa clima­tica d’aldedaincö.
Atualmënter
Elisa Rungger tl Ciastel de Tor
Cina ai 27 de setëmber él da odëi tl MusLa Ciastel de Tor a San Martin la mostra »Dan­terite« de Elisa Rungger da Rina. La cerna di laurs metüs fora tol ite operes fora de n spectrum de deplü agn. Insciö pîta la mostra sides elemënc retrospetifs, che na vijiun söles operes da sëgn, sciöche ince na odlada tl svilup arti­stich dl dagní.
Atualmenter
Mostra de Andrea Soraperra
Fin ai 31 de aost, duc i dis da les 16:00 a les 19:00, te sala de Consei de Comun de Cia­nacei se pel veder na mostra de operes del artist Andrea Soraperra.
22.08.
Mostra de Vespes
Sun Plaza Nives te Sëlva mët l Vespa Club Gherdëina a jì na mostra de vespes, n vën­derdi ai 22 de agost dala 19:30 nchin la 22:00.
24.08.
Mostra de fonc
Sun Plaza Nives de Sëlva uniràl metù ora d’uni sort de fonc, ai 24 de agost dala 09:00 inant. La manifestazion vën metuda a jì dala Lia per l Turism de Sëlva, deberieda cun i Carabiniers n pension.
31.08.
Mostra de fonc
Sun Plaza S. Antone a Urtijëi uniràl metù ora d’uni sort de fonc, ai 31.08. dala 09:00 inant. L sarà prejënt nce l espert Claudio Rossi. La se­zion Gherdëina di carabiniers dajerà ora vel’ cërcia de fonc d’uni sort.

Temp Lede
Atualmenter
Mostra-marcià di Mile Bechec a Poza
Ai 23 e 24 de aost da les 10:00 a les 11:30 e da les 16:30 a les 19:00 tel ex ofize de la Fore­stale a Poza, apedeju l Bar Al Ponte, l é fora na mostra-mar­cià de benefizenza del Grop Mile Bechec de Sèn Jan.
Atualmenter
Marcià ‘Mille centrini’ a Vich
Dai 22 ai 24 de aost te Ciasa Marmolada a Vich da les 15:00 a les 18:30 vegn metù fora i lurieres fac a man per benefizenza dal grop de Mille centrini de Vich.
22.08
Jì a crëp su per n parëi
Ncuei, vënderdi ai 22 de agost, nvieia l AS Gherdëina duc a passé sun plaza Rezia a Urtijëi: dala 16:00 ala 21:00 puderà duc purvé a jì a crëp su per n parëi, che n meterà su aposta.
22.08.
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, ncuei vënderdi ai 22 de agost. Sambën ne manceràl nia de bela mujiga.
22. y 29.08.
Al Plan: Marcé da paur
Sön le marcé da paur »Agri­colart« a Al Plan ciafon de vigni sort de produc da nüsc lüsc. Le marcé vëgn tigní en vëndres ai 22 d’agost dales 16:00 ales 19:00 sön le lüch de Corcela y en vëndres ai 29 d’agost dala medema ora, sön le lüch »Tló Plazores«. Sce al é bur’ tëmp, vëgnel tigní pro paiun de paisc.
24.08
Mëssa sun Stevia
I Jëuni de Sëlva nvieia a na mëssa sun Stevia. N se anconta n dumënia ai 24 de agost dala 9:30 sun Daunëi, sal Sciuz, per jì deberieda nchin sa la crëusc de Stevia. La mëssa scumëncia dala 11:00. L cianta »I Rujins«.
24.08.
La Ila: De dl Movimënt
En domënia ai 24 de agost vëgnel tigní por l’ultim iade chësc isté le De dl Movimënt, tl parch dlungia la staziun a munt dl implant de Piz La Ila. Dales 10:30 inant sarál de vigni sort de animaziun por mituns: clowns, strinëc, mu­siga... y i mëndri pó ince se lascé depënje sö le müs.
24., 26., y 28.08.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí vigni mertesc, jöbia y domënia jüc, animaziun y devertimënt por mituns da 5 a 10 agn, dales 13:30 ales 17:00.
25.08
Pastelné cun i rangers dl Parch Naturel
I mëndri arà la ucajion de pastelné cun i rangers dl Parch Naturel n lunesc ai 25 de agost dala 14:30 ala 18:00 sun Pitla Plaza de Sant Antone.
25.08
Kids Night te Sëlva
Na sëira cun juesc i deverti­mënt per mutons sun plaza Nives te Sëlva dala 20:30 ala 22:30.
25.08.
Dèlba sot la steiles
En lunesc ai 25 de aost con scomenz da les 20:30 vegn endrezà ‘Dèlba sot la steiles’ con musega, gropes folk e magnères tradizionèi.
26.08.
Entorn Vich
En mèrtesc ai 26 de aost con scomenz da les 19:30 vegn endrezà Entorn Vich, n per­cors eno-gastronomich com­pagnà da musega e tradizions.
26.08.
»Kids Day« a Al Plan
En mertesc ai 26 d’agost vëgnel pité pro la »spiaggetta« a Al Plan por l’ultim iade chësc isté le Kids Day, dales 14:00 ales 17:30. Al é n do­misdé por i mituns cun de vigni sort de staziuns creatives, jüc cun l’ega y ince la posci­bilité da se fá na roda cun le ciaval. Al é debann y an n’á nia bria da s’anunzié.
26.08.
Domisdé a Pidrô
En mertesc ai 26 d’agost restará les botëghes da Pidrô davertes cina ales 20:00. Bele dales 17:00 inant él les pa­trones che dá fora spezialités arestides y val’ da bëre.
26. y 27.08.
Imparun a conësce i stödafüch
Ai 26 y 27 d’agost án la posci­bilité da imparé a conësce la uniun di stödafüch, ti ciaré al magazin y descurí les ma­scins y l’ativité dla uniun. An s’incunta en mertesc ai 26.08. dales 21:00, tl magazin di Stüdafüch da San Ciascian, o en mercui ai 27.08. dales 21:00, tl magazin di Stüdafüch da La Val.
27.08.
Vins alaleria
La linia de degustaziuns de vins de Südtirol tl’Alta Badia vá inant. En mercui ai 27 d’agost dales 14:30 pón ciarcé, fora por le tru di artisć sot Costadedoi, na seleziun de vins blanc de Südtirol, adöm cun n sommelier. Prenotaziuns pro i ofizi turistics dl’Alta Badia o online.
27. y 28.08.
Nos Ladins cun Lukas, Rosa y Tone
Tres l’iniziativa »Nos Ladins« pón descurí deplü sön le monn ladin y sön i mistiers de nosta jënt. En mercui ai 27 d’agost domisdé él Lukas, volontar dla Crusc Blancia, che mostra la staziun y ci che al ó dí fá le volontar; ai 28 d’agost dan­misdé pón descurí la vita söl lüch d’Alfarëi a Badia, cun Rosa y Tone. Iscriziuns online o ti ofizi turistics dl’Alta Badia.
28.08.
Calfosch: devertimënt por mituns
En jöbia ai 28 de agost dales 15:00 pó mitans y mituns da 3 a 12 agn passé n domisdé tl parch dai tiers a Calfosch. Al gnará pastelné cun peres, pasta da se, y arjigné ca n tic–tac–toe. Iscriziuns online o ti ofizi turistics dl’Alta Badia. Al vëgn damané la presënza de n adult.
28. – 31.08.
Val Sinergia Festival a Al Plan
Dai 28 al 31 de agost vëgnel tigní a Al Plan le »Val Sinergia – Yoga & Mindfulness Festival Dolomites«, che prevëiga deplü workshops y sesciuns de yoga y meditaziun, spazirades, musiga, ciaré les stëres y tröp d’ater. Program y chertes cia­fon sön www.yog-amiga.com
29.08.
Sparkling Summer Nights a Urtijëi
N vënderdi ai 29 de agost dala 21:00 inant puderàn se la lascé jì bona ntan la »Craft Beer Night« tl raion da jì a pe de Urtijëi: la butëighes sarà daviertes nchin la 22:30, i locai dajerà ora da bever y l sarà de bela mujiga cun la grupa Sun Sëida.
31.08.
Domesdì leterer
La ULG nvieia, n dumënia ai 31 de agost dala 18:00, tl verzon dla Cësa di Ladins a Urtijëi a n domesdì leterer. L liejerà dant Christian Ferdigg, Elisabeth Kostner, Mattia Maldonado, Silvia Murer y Lucia Piccolruaz; l cianta Marion y Carmen Insam y Linda Rungger. N chël domesdì saràl l di dla porta davierta dl Museum Gher­dëina.
31.08.
Marcià artejanel artistich
Sun Plaza Nives te Sëlva uni­ràl metù ora y vendù lëures fac a man da artejans y artisć. L marcià sarà ai 31.08. dala 09:00 inant.
05.09.
Stories de 15 menuc
Tla biblioteca de S. Durich a Urtijëi vëniel liet dant na storia per per mutons, n vënderdi ai 5 de setëmber dala 15:00.
29.08.
Eco–hiker a Corvara
Tla cornisc dla iniziativa »Ati­ra«, vëgnel metü a jí en vëndres ai 29 d’agost na escurjiun, olache an dá n contribut a nosta contrada. An pëia ia dales 9:30 pro l’implant Boé a Corvara, por jí fora por i trus a chëie sö ciomënt. Iscri­ziuns online o ti ofizi turistics.

Iadi y Jites
Atualmënter
Iscrizions: Viac de 5 dis tl Saarland
La grupa KVW de S.Cristina mët inò a jì n viac da d’autonn, chëst iede tl Saarland cun la Region dla Mosel y Luxem­burg, dai 1. al 5 de utober. Per plu nfurmazions y iscri­zions: Emmerich Senoner, 335 5713575.
24.08.
Cun l’ E-bike sun »Pfitscherjoch« y ora per l Zillertal
La Lia da Mont Gherdëina mët a jì chësta jita n dumënia ai 24 de agost. Cun la curiera furneràn te Pfitsch a Kematen, da ulache n pëia via de viers dl Pfitscherjoch y inant nchin a Strass, da ulache la curiera menerà duc inò de reviers. L vën pià via da Urtijëi sun plaza S.Antone dala 6:30. Priesc per cumëmbri 18,00 € (sot ai 18 ani: 13€). Plu nfurmazions: Georg, 335/7885710, Theo 338/3340111. Iscrizions: per »Whatsapp« dai 13 ai 17 de agost al 338/3340111.

Chino
Atualmenter
Al chino de Pardac
Ai 22 de aost da les 17:00 e da les 21:15 l é »Troppo cattivi 2«, sabeda ai 23 e dome­nia ai 24 da les 21:15 l é »War­fare-Tempo di guerra«, dome­nia ai 24 da les 17:00 l é »Trop­po cattivi 2« e lunesc ai 25 da les 21:15 l é »School of life« al priesc de 3,50 euro. Info su www.cinemapredazzo.it
Atualmenter
Al chino de Tieser
Vender ai 22 de aost da les 21:15 l é »Monsieur Blake« al priesc de 3,50 euro, sabeda ai 23 da les 17:00 l é »Troppo cattivi 2« e da les 21:15 l é »Io sono nessuno 2«, lunesc ai 25 da les 17:00 e da les 21:15 l é »Troppo cattivi 2«. Info su www.cinematesero.com

Mujiga
Uni vënderdi
L sona i corni da mont
Te Val puderàn scuté su uni vënderdi for dala 16:30 inant, n cunzert de corni da mont.
22.08.
Conzert dla Musiga da San Martin
Incö vëndres ai 22 d’agost dales 21:00, sön paiun d’Al Plan.
23-24.08.
La Net di Musical a Poza
En sabeda ai 23 de aost e en domenia ai 24 da les 21:00 te tendon de la manifestazions de Poza la compagnia trentina Des Etoiles porta dant n spetacol de musega e bai. L vadagn vegn dat al Grop miscionarie Freinademetz e al grop de Studafech de Poza.
23-24.08.
Evi Mair & Friends
En sbanda ai 23 de aost da les 21:30 a La Grenz de Mo­ena e en domenia ai 24 da les 11:30 a la Baita Checco e La Zondra sun Ciampedie, tel chèder de Fassa Panorama Music, l é l conzert de la ciantarina da Busan Evi Mair che con sia band porta dant sia musega blues, pop e funk.
24.08.
Le Note Blu a Moena
En domenia ai 24 de aost da les 21:00 te sala Simonin Maza de la scoles de Moena l é l conzert del Cor Note Blu de la Scola de musega Il Penta­gramma vidà dal Maester Ilario Defrancesco.
24.08.
Cianté y soné sön munt
La iniziativa dl »Cianté y soné sön munt« tl’Alta Badia vá inant. Pro la ütia L’Tamà a Badia él da aldí en domënia ai 24 d’agost dales 13:30 inant la Böhmische de Badia.
24.08.
Corvara: conzert te dlijia
En domënia ai 24 d’agost dales 21:15 él te dlijia da Cor­vara n conzert cun n grup de archëc dal Friul y dal Venet, sot la direziun de Guido Freschi.
26.08.
I Popcorner a Soraga
En mèrtesc ai 26 de aost a La Gran Ciasa a Soraga da les 21:15 conzert di joegn musizisć del grop Popcorner che prej­enta sie nef CD de cianties ladines.
27.08.
Spetacol di Pavei d’Arjent
En mercol ai 27 de aost da les 21:00 tel stadie de la giacia de Dèlba spetacol de la bala­rines e i balarins di Pavei d’Ar­jent che aur sia sajon agonistica.
27.08.
Mujiga y tradizions de Gherdëina
Tl zënter Iman a Santa Cri­stina iel dala 21:00 nchin la 22:00 da pudëi udëi y audì la Böhmische de S. Cristina, i Schuhplattler de Ciampedel y la grupa »I Rujins«. Daldò saràl na cërcia de cëifs dëuc dla paures de Gherdëina.
28.08.
Cunzert dla Mujiga de Sëlva
La Mujiga de Sëlva sunerà ai 28 de agost dala 21:00 inant tl zënter sun plaza de Chemun te Sëlva.
28.08.
Cunzert dla Mujiga da Bula
La Mujiga da Bula sunerà ai 28 de agost dala 21:00 inant tl pavillon dan la dlieja sa Bula.
29.08.
Conzert dla Musiga da Rina
En vëndres ai 29 d’agost dales 21:00, sön paiun d’Al Plan.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
26.08.
Eie e speie amò
Dales 20:50 ca. Test y regia Cinzia Pistoia, produziun Pennpro. A cura de Alessandro Dapunt.
27.08.
Trail Spezial
Dales 20:50 ca. A cura dla redaziun ladina.
28.08.
DF dut feminin
Dales 20:50 ca. Test y regia Matilde Gazzini, produziun Media-art, a cura de Ales­sandro Dapunt.Informaziuns
Informazions plu menudes sun i programs de RAI Ladi­nia pón giaté sun www.raibz.rai.it – Sun l medem sit pón vedei i pro­grams TV sot a »Mediateca« y les trasmi­scions radio sot a »Podcast«.

Radio
22.08.
Doi zidlaeves jëuni conta de si pascion 
L’eva dala miel ie n tier parti­culer, sciazeda per la bona miel y stimeda per si vester le­zitënta. La vën tenida dai zidlaeves coche n tier de cësa y ne sëuravivëssa nia te chësta forma da sëula te nosc raions. Tl Süditol cumpedons ntëur 4000 zidlaeves che se dà ju cun chisc pitli tieres. Doi de chisc ie Isaac Demetz y Laurin Lardschneider. Tla trasmi­scion conti de chësc hobby drët nteressant y dl mond dl’eves che fej tan ma­rueia. Tras­­miscion de Valeria Bernardi.
24.08.
L ciaval ie deplù
Cun Julia Senoner, maestra de jì a bastin de Pozamanigoni, ons rujenà di ciavei, de si raport cun y fazion de viers de la jënt, dal pont de ududa dl bën­sté soziel, dla sanità, dl sport y tëmp liede. Trasmi­scion de David Lardschneider.