La Usc di Ladins

»No saon canche i à scomenzà a fèr i prumes cianons da l’èga per vidèr l'èga al paisc e ence pa magari da bon dalènc« scrivea coscì Simon de Giulio, »ma de segur l é un dotreicent egn. Dant i jia demò coi crazedie e l ciampedon te la fontèna o tel ruf che l era più davejin. Ló che l era possibol e che l era de sora ju revel, i se la vidèa con salaes fin davejin da cèsa«. Gran cainèdes donca per menèr a cèsa èga, canche amò la no vegnia fora da spina de gran vendeta. Ampò enstadì no ve rejonon segur de chel, ma, amancol ite per l Nefcent, del valor che i festii à abù per na picola comunanza e de coche, a i veder lascé jir, se posse entivèr n mudament sozièl. Belimpont ló da festil la vaces jia a dabirèr, la femenes de cèsa ciavatèa fora la massaries e col ciampedon pien de èga les se n jia a majon… besegnes che encomai aldidanché no é più, se se ferma n medeat enlongia festil a beiver èga frescia (mascima chisc dis de gran fers) o, se chi l à vejin, a tor èga da sprizenèr sui fiores. Na cherdenza dijea che l é segn che na tousa ciapèa da se maridèr n ciochèra, se la ruèa de retorn col gramièl smoà su, cherdenzes che paa segur la speisa recordèr ma che no vèl più na piva de tabach!

Se pel lejer dut su La Usc nr 33 dai 29 de aost: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (NICO)