L Fascia taca ite l campionat col nef Mister

Data

29 de agost 2025

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Al post de Luciano Cigolla l é Alessandro Capovilla a vidèr la squadra en pruma categoria. Neves ence anter i jiadores.


Chesta domenia, ai 31 de aost, taca ite l campionat de balon de pruma categoria e pian pian ence chi de la categories mendres. La sozietà del Fascia Balon é vertia per se tor dant chesta neva endesfida sportiva.

Per la pruma squadra, che jia tel giron B, a la dir duta l prum test sul ciamp l é jà stat chesta domenia passèda con la pruma partida de Copa Dao Conad contra l’Alta Valsugana e chiò i jiadores fascegn à vent per 3 a 1 con doi goi de Michele Petrone e un gol de Patrizio Deville.

La pruma squadra à tacà ite con vèlch neva. Prum de dut l arcedador: al post de Luciano Cigolla l é l nef Mister Alessandro Capovilla, che sarà didà dal vize Gregor Löwe. Do vèlch sajon de empegn, competenza e pascion a cef de la pruma categoria, Cigolla à lascià chest an la vida de la squadra. Ai prumes de jugn la sozietà, vidèda dal president Pier Paolo Trottner, lo à rengrazià e saludà ofizialmenter.

Se pel lejer dut su La Usc nr 33 dai 29 de aost: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Monica Cigolla)