La Usc di Ladins

N mierculdi ai 20 de agost ie l Aiut Alpin unì cherdà de ndut doi iedesc, un n iede tla Ladinia. A Reba ova n’ëila da parturì. L joler fova riesc iló pra d’ëila y davia che la situazion ne fova nia saurida àn menà la mami jëuna tl spedel de Burnech, ulache n la à upereda de urgënza.
Nce l di do, n juebia ai 21 de agost, iel tla zentrela dl Aiut Alpin unì ite doi cherdedes de aiut. Daduman abenëura iesen jic a tò n’ëila che se ova rot la ciavidla tla val Ciamin. Puech do la undesc dan­mesdì iel mo n iede stat debujën dl aiut dl joler: a Urtijëi ova n ël problems cardiologics. Do che la dutorëssa ti à fat la prima cures, iel unì menà te spedel.
N vënderdi dl’ena passeda ie l Aiut Alpin unì cherdà de ndut trëi iedesc, duc ora dla Ladinia, a Ciastel, a Sëuc y sun l Renon.

De plu tla edizion stampeda de La Usc di Ladins o sun l e-paper a paiament www.lausc.it/e-paper