La Usc di Ladins

No l’à più inom Distret Sanitèr ma Cèsa de la Comunanza de Sèn Jan. L é la setima che vegn avert tel Trentin e en lunesc ai 16 de mèrz ence chela de Fascia à abù sie batum. Per sia inaugurazion l é ruà da Trent i raprejentanc istituzionèi e sanitères de noscia provinzia.

Dal pont de veduda struturèl no l é mudà trop: l é stat fat n intervent de recalificazion energetica, concià l cuert olache pievea ite, sbianchejà i mures e miorà vèlch ambulatorie e spazie. Per chel che vèrda i servijes la strutura sporc jà duta la funzion prinzipales pervedudes dal model de la Cèses de Comunità. Anter i servijes atives l é l PUA, l pont unich de azes per la valutazion di besegnes di sentadins, l’assistenza primèra con i dotores de medejina generèla, l dotor dai bec e la guardia medica. Chiò se pel troèr ence i servijes infermieristics de familia e de comunità, se pel fèr i prelieves del sanch e l é desvalives ambulatories desche geriatria, diabetologia, chirurgia, ortopedia e traumatologia, otorinolaringoiatria, odontoiatria, ginecologia e dermatologia. Te sajon da d’invern l é avert l Zenter Traumatologich che canche l é serà doventa pont de regoeta del sanch. L é a la leta ence l consultorie e programes per la prevenzion de la dependenzes (alcol e fum), na postazion de Trentino Emergenza 118 ativa a do a do e l ambulatorie per i vazins.

Podede lejer dut su La Usc dai 20 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)



 (Monica Cigolla)