La Usc di Ladins

Jai egn l Servije sozio-assistenzièl del Comun General de Fascia endrezèa la scomenzadiva de vacanzes al mèr stravardèdes per la persones de età o con besegn de compagnament. 
Chest servije era stat lascià su a cajon del Covid, ampò ades l é stat metù dant la proponeta de valutèr se chesta scomenzadiva fossa amò de valuta per la comunanza de Fascia, o se endèna la robes é mudèdes e chest no vegn più conscidrà n besegn.
La organisazion de chest servije, che ge permet a persones che à na autonomia mingol limitèda de jir al mèr o sul lech, perveit che les vegne compagnèdes con personal che arsegure mingol de aiut e sostegn te la relazions e ti intervenc infermieristics.
I enteressé i cogn se oujer te orarie de ofize ai operatores de Spazio Argento te la senta di Servijes sozio-assistenzièi dcel Comun General de Fascia o chiamèr al numer de telefon 0462 764297 dant dai 7 de oril. L Servije vegnarà endrezà demò se per chesta data se arà enscinuà ite amancol 20 persones.

Podede lejer dut su La Usc dai 20 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (LG)