La Usc di Ladins

Sot na gran neveta, de cheles più da d’invern che da prum dì d’aisciuda, la comunanza de Vich e Poza e de duta Fascia à strent Chiara Mazzel te n fort braciacol per la rengrazièr de si resultac ezelenc vadagné a le Paralimpiadi Milan-Cortina 2026 ma ence per ge fèr sentir l afet e la recognoscenza de n paisc che é stolz de sia sentadina.

En sabeda ai 21 de mèrz la Musega de Vich, i Paicenadores, i Alpins, la Forzes del Orden, i Studafech, i bec con si alenadores del Ski Team Fascia e del FassActive, la scoles de schi, duc i raprejentanc comunai e istituzionai de Fascia, de la Provinzia e del Grop sportif Fiamme Gialle à compagnà Chiara su la caroza con si genitores e sie morojo Nikolaj fora per Vich en defilèda te anter na gran fola de jent che l’à saludèda con n fort batiman.  

Te piaz de la Ciadenac sot la scoles, Chiara é stata envièda sun paladina, dintorn al col la cater medaes, una de or e trei de arjent, e apede ju la guida storica Fabrizio Casal.


Podede lejer dut e veder desvalives retrac su La Usc dai 27 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)