La Usc di Ladins

Te plü paisc tocheres bele da agn pro le program dles manifesatziuns da d’invern: i baiun dles chentlades dles scores de schi, olache i maestri büsia jö por pista y slomina la contrada cun i chentli tla man. Ai cheriëia insciö na sugestiun particolara, che vëgn aprijada suradöt da nüsc ghesć. Insciö ésera ince a Al Plan de Mareo, olache maestres y maestri de schi vëgn cun sü lomins jö por la "Erta" y é porchël da odëi feter sura döt le paisc.
Te chësta ocajiun á dagnora ince defilé impara i corusc dla bandira dla Talia, ci che ralegrëia dantadöt la maioranza di ghesć che vijitëia le raiun de Mareo tratan l’invern. Sëgn pó se ralegré ince la jënt dl post, deache cun chësc ann á podü slisoré impara ince i corusc dla bandira ladina – vërt, blanch y bröm. N simbol sterch de nosc daciasa y dla jënt che vir te nüsc paisc. Döt é gnü acompagné cun le sotfunz musical dl inn ladin "Bel Lingaz" y n valgönes noziuns sön le popul ladin y sües particolarités.

Deplü sön chësta iniziativa podëise lí t’La Usc di Ladins di 27 de merz  (pablo)