La Usc di Ladins

N bel domesdì de confront, condivijion e bon stèr à caraterisà la Radunanza de l’Union di Ladins de Fascia chiamèda ite en mercol ai 18 de mèrz al Hotel Rizzi de Salin a Pera te la bela sala storica e col bon azet di patrons Veronika e Moreno che no fèsc mai mencèr nia.

»L’Union di Ladins de Fascia à tras fat sia pèrt al ben del ladin – à dit dantfora l president Fernando Brunel tel saludèr la autoritèdes e i sozi prejenc – e se auguron che chest sie possibol ence tel davegnir tel spirit de na colaborazion percacenta con duta la istituzions: l Comun General, i Comuns, l Istitut Cultural Ladin e la Scola Ladina, aldò del moto ‘Ladins adum la forza la vegn dal grum’«. Brunel à dapò fat n apel: meter su na radio interladina che dae l met de scutèr i idiomes de duta la valèdes per dut l dì e l à envià a rejonèr ladin te familia, te majon, sun piaz, te vigni ocajion de la vita sozièla e economica de noscia val. »Rejonon n bon ladin!« l à dit bel adaut.

Podede lejer dut su La Usc dai 27 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)