La Usc di Ladins

Pec letereres te trëi rujenedes - talian, tudësch y monce ladin - che conta dl’ega, dl mer y di ruves ie stac i prutagonisć ai prims de mei sun l Bodensee de na scumenciadiva particulera. A Bregenz à n valgun scritëures dla Lia di Autores dl Südtirol pudù liejer dant sun na berca. L à nce fat pea autores di Paejes Tudësc y dl’Austria. Nce doi artistes de Gherdëina à tëut pert pra chësta manifestazion leterera sun l’ega: Irene Moroder de Urtijëi y Nadia Rungger de Puntives.
“L fova na beliscima atmosfera sun la berca. Tan de jënt che ie unida a scuté su! É liet dant n valguna de mi poejies nueves, per ladin y tudësch, poejies che publicheré tosc te n liber”, nes à cuntà Nadia Rungger, che on cuntatà, davia che la à ti ultims tëmps fat pea pra d’uni sort de scumenciadives letereres tl Südtirol y oradecà

Elisabeth Kostner

L articul tla edizion atuela de La Usc di Ladins.