L Consorzie Eletrich de Poza à serà su con n utol de manco che cent mile euro l bilanz del an 2025, canche l an dant l utol era stat pech sot l milion. Ampò te la radunanza chiamèda ite en vender ai 15 de mé i 218 sozi prejenc, con 72 deleghes, ge à resservà de gregn batimans al president Giancarlo Pederiva, al diretor Dino Detomas, al Consei de Aministrazion e a duc i dependenc.
L 2025, descheche à dit l president e dapò sotrissà l diretor, l é stat un di egn piores che l CEP à abù: ai 14 de oril sul troi de la rodes enlongia Veisc anter Vich e Soraga l é crepà fora la condota che portèa l’èga a la zentrèla de Soraga. I lurieres per la meter a post i é stac fenii ai 28 de aost e i à comportà n cost de un milion de euro, a chesta speisa se à jontà l dan per la mencianza de produzion, ajache la zentrèla à cognù restèr ceta per passa 4 meisc, i meisc d'aisciuda che de solit l é chi miores. L é mencià zirca 12 milions de kWh, n valor de 1,2 miliogn de euro e n muie maores l é stat i cosć per comprèr utró l'energia che servia.
Podede lejer dut su La Usc dai 22 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)
(Lucia Gross)
An pesoch per l CEP, ma no per si sozi
Data
21 de mei 2026
Grandeza scritura
Social
L 2025 é stat segnà dal dejaster de la condota crepèda fora, che à portà n milion de euro de dan e n cost amò maor de produzion mencèda. L diretor Dino Detomas à recordà la struscies fates da nesc veies.
