La Usc di Ladins

»Ma no pisson che l spetacol posse fenir chiò, ne mencia n toch. L toch che vegnarà doman, olache ogneun de nos pel amò cerner. Percheche sion nos a cerner chi e co che volon esser e ogne dì podon cerner, perché pa no, ence de mudèr. Podon pontèr demez da chiò, da nos, duc ensema, 120 oujes che doventa na soula ousc, che disc su poejies de gran beleza, paroles che muda i sasc pesoches te sasc da color e de speranza da portèr a cèsa.« L é chesta la paroles de doi studenc de la scola auta de Fascia a la fin del spetacol »C’era una volta un bullo« metù en scena en vender ai 15 de mé te Kino de Cianacei e en sabeda ai 16 te teater de Navalge a Moena. 
L spetacol fèsc pèrt de n percors de sensibilisazion fat te scola da la Comiscion contra l bulism con referenta la dozenta Alice Vinante che se à pissà che, per tor ite de più tant i picoi che i gregn, podea esser na bela idea portèr sun paladina zeche de vif e piajegol.
Tedant a n padiment fort, a n despiajer che bruja, chel che joa dalbon l é l amor, la delicateza, apontin la aices. N aon ciapà ence nos de aices a la fin del spetacol da duc i atores, gregn e picoi, che é jic te platea fora per anter l publich. I sasc che fèsc doventèr la guofes pesoches e l cher slonfà de padiment é doventé sasc da color. E la 120 oujes é doventèdes una demò, per dir adaut de no de contra a ogne forma de bulism.

Podede lejer dut su La Usc dai 29 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)