Pèsc, la vera endesfida de nosc temp

Data

26 de messel 2026

Galaria retrac

Grandeza scritura

Social

L Piscop de Trent Lauro Tisi é ruà a Soraga per l secondo apuntament de Ispirazions d’istà e l à prejentà sia ultima letra a la comunanza ensema a Giorgio Beretta. Tel prum apuntament a Pera l era stat rejonà de giornalism coi diretores de Avvenire e de Vita Trentina.

Rejonèr de pèsc l é la vera endesfida. Sention a do a do rejonèr de segureza e no de pèsc. L é stat chestes la paroles uzèdes fora più outes tel secondo apuntament de Ispirazions d’istà endrezà a La Gran Ciasa a Soraga con l Piscop de Trent Lauro Tisi e Giorgio Beretta analist del Osservatorie permanent su la èrmes lijieres de Brescia e de la Rei talièna de Pèsc e Desarm, vidé te n dialogh dal coordenador de la Comiscion per la cultura de la parochies de Fascia Cesare Bernard. N muie i pensieres e la reflescions metudes dant, sot l aspet religious ma ence laich.

De testimonianzes de pèsc l é stat rejonà ence en jebia ai 16 de messèl te gejia de Pera con l diretor de Vita Trentina Diego Andreatta e l diretor de Avvenire Marco Girardi tel event »Stories de angern e endesfides de doman«.
Avvenire e Vita Trentina, che anter l auter chest an festeja 100 egn de fondazion e l à metù fora te gejia na mostra dedichèda a chest cedean l é doi sfoes catolics leé da na staifa colaborazion editoriala e pastorala che se concretisea su la condivijion de articoi e sinergies.

Podede lejer dut su La Usc stampèda dai 24 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

(Monica Cigolla)