La Usc di Ladins

Acà diesc egn tel cader de Istà Algegra, de gra a la gaissa e la fantasia de Biju Vadagnini e de duc i animatores, vegnia metù a jir a Moena la »Festa del Bambino«, na ocajion per tor ite no demò l gran grop di bec scric ite a la scomenzadiva de educazion e legreza del paisc, ma ence duc i autres, da la scolina en su, che volea tor part.

Del 2018, en recort de Mattia Sommariva, animator de Istà Algegra se n jit de colp te chel medemo an, a chesta giornada speziala ge é stat dat inom »Festa del Bimbo«, coche con afet ge vegnia dit a el, e chest inom l é restà fin ades, per no l desmentiar.

En lunesc ai 27 de messal te la cort de le Scole de Moena l é stat metù a jir la edizion de cedean. La gran squadra de animatores de Istà Algegra à cernù per chest an l tem di pirac, con endesfide pissade su mesura per i più picoi e per chi mingol più gregn, duc engaissé a jir a troar si tesores.

De più tel articol su La Usc stampèda de en vender ai 14 de aost del 2026  (LG)