L prim ntervënt ie stat de nuet da sada a dumënia sun la pizes di Cin' Dëic: n pèr olandesc ie ruvà te na situazion cumplicheda canche l jiva ju per la via Paravis. Nia ferì, ma pervia dla gran plueia y l scur ne n'iel nia plu stat bon de jì ju nstës. Cater judacrëp de Gherdëina ie furnei su per i doi, ti à judà ora dal raion periculëus y i à lascià ju cun la corda nchin che i fova inò pra l scumenciamënt dla via. Da dedò ie i arpizadëures unic acumpaniei n segurëza te valeda. Sa la utia Toni Demetz ài giapà zeche de ciaut da bever per se sciaudé su.
D'autri ntervënc: n dumënia se à n'escurscionista dla Lombardia fat mel al uf sot ala utia Dantersasc y ie unida meneda tla valeda.
N ti à judà a n'alpinista jëuna sun la pert a est dla Pitla Fermeda ajache la ne stajova nia bën.
121 ntervënc cumpëida i Judacrëp dal scumenciamënt dl ann. Perchël cumpëida l Aiut Alpin de Gherdëina bele tl 2026 121 ntervënc y mé 51 de chisc de juni.
N di da truep ntervënc
Data
13 de agost 2026
Grandeza scritura
Social
Inier ie stat bndi de n valgun ntervënc per l Aiut Alpin de Gherdëina: trëi ntervënc te puecia ëura y l ultim ie permò finà via ntëur la 4 daduman
