La Usc di Ladins

»L’idea de veder l mond da n’autra prospetiva la me fasc sentir n muie più contenta de dut chel che é«. Coscì Sofia Lastei, da Poza, l’à serà su so intervent endèna l moment de condivijion con la comunanza endrezà dal grop miscionèr Freinademetz en mèrtesc ai 22 de setember te oratorie de Poza entitolà »Daniela Salvaterra la conta Cèsa Mère Teresa«. Paroles fones, che se à enterzà a pensieres e video che à scorlà su i cheres de duc chi che à podù scutèr su la testimonianzes de n grop de touses e femenes che te la sociazion ‘Speranza de vita’ a l’Encañada tel Perù da egn les rec strutures che tol ite bec e gregn con desferenta desabilitèdes, fisica e mentèla.
Apede a la testimonianzes de Sofia e de Anna e Lorenzo Deluca, stac tel Perù tel ultim an, la jent che à tout pèrt a la scontrèda l’à abù l met de scontrèr Daniela Salvaterra, infermiera trentina che da 23 egn la se dèsc ju per ge dèr n post olà stèr e dignità a chi che à dalbon de besegn.

De più te La Usc stampèda de en vender ai 2 de otober del 2026  (Thomas Zulian)