Consei General, al zenter sanità e confront consiliar

Data

20 de november 2026

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Te l'ultima sentèda l é stat tout dant ence na interogazion sul ospedèl e na mozion su la Cèsa de la Comunanza. Aproà l Pian de politica linguistica e culturèla per l 2027 de beleche 552 mile euro.

L é stat rejonà ence de sanità publica tel ultim Consei general chiamà ite en jebia ai 12 de november te sala gran del del Comun General de Fascia. Al orden del dì la interogazion del Grop Neva UAL sul ospedèl de Ciavaleis e la mozion de la conseiera del Grop Mescedà Mirella Florian su la classificazion de la Cèsa de la Comunanza.

Regolamenc e etres projec

N’autra mozion é stata prejentèda dal Grop Neva UAL per domanèr che vegne chiamà ite la Comiscion Afares Istituzionèi per mudèr i articoi 37 e 38 del regolament che revèrda mozions e interogazions per permeter n confront consiliar più efizient.

Aproà l Pian de politica linguistica e culturèla

L  Pian organich di intervenc de politica linguistica e culturèla per l an 2027 perveit speises e entrèdes per 551.968,40 euro. L é stat prejentà tel detai dal conseier de procura Bernardino Chiocchetti che à uzà fora soraldut la direzion de chest nef Pian metù ju en cordanza con la Consulta Ladina. »La politica linguistica del CGF à l zil de fèr doventèr l ladin n lengaz da durèr ogne dì – à dit l Conseier – passà inant da na generazion a l’autra, n lengaz sćiantif e tel medemo temp bon de rejonèr de la costions d’aldidanché.«

De più su La Usc stampèda de en vender ai 20 de november del 2026  (Monica Cigolla)