I ladins se à lascia tò l vantaje

Data

18 de november 2026

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N sada ai 14 de nuvëmber à l HC Gherdëina perdù ora a Salzburg, nsëira merdi ai 17 de nuvëmber àn jugà contra i Unterland Cavaliers
L ie n’ena ntensiva per l HC Gherdëina: te ot dis iel de ndut cater juesc sun l prugram dla Alps Hockey League. L tour de force à scumencià n sada cun l juech ora de cësa a Salzburg, inier iesen furnei tl Unterland a jughé contra i Unterland Cavaliers,  n juebia ai 19 de nuvëmber jugherà l Gherdëina  tl stadio Pranives contra l Renon y n sada ai 21 de nuvëmber jugheràn contra i Zeller Eisbären tla Arena de Zell am See tl’Austria.

N merdi contra i Unterland Cavaliers
Nce tl otaf juech oradecà ne ti iel al Gherdëina nia garatà la prima vënta ora de cësa. A Neumarkt contra i Unterland Cavaliers à i ladins perdù per 8 a 4. Nce chëst’iede à l alenadëur Skokan messù renunzië a Guimond, Soracreppa y Schiavone.
Tl prim tëmp metova tramedoi scuadres plutosc a verda y no da una y no dal’autra pert àn udù truepa ucajions. La storia se à mudà tl prim powerplay dla sëira. Dl prim à Matteo Luisetti tucà l pel, dopro à Simon Pitschieler fat l 0 a 1 per l HCG.
Nce tl segondo tëmp fova l juech dl prim velgamia calm, ma dut se à mudà te n colp do l 26ejim menut, canche l Gherdëina se à giapà cin’ goi te cin’ menuc y mez. Marcel Skokan se à damandà n timeout y ti à dat na scasseda ai siei - y l à juà ... 

Elisabeth Kostner

L articul ntier tla edizion nueva de La Usc di Ladins de n vënderdi ai 20 de nuvëmber.